Staršynia Biełaruskaj asacyjacyi žurnalistaŭ Andrej Bastuniec siońnia paŭdzielničaŭ u zapisie pieradačy «Kłub redaktaraŭ». Jana źjavicca ŭ efiry ŭ niadzielu paśla prahramy «Hałoŭny efir».
Andrej Bastuniec havoryć, što pieradača budavałasia na takich siužetach tydnia, jak pasiedžańnie dziaržsavieta sajuznaj dziaržavy ŭ Minsku i sprava aryštavanaha va Ukrainie biełarusa Vasila Parfiankova, adnak šmat uvahi było pryśviečana i prablemam žurnalisckaha asiarodku. U tym liku źbićciu žurnalista tut.by Paŭła Dabravolskaha.
«Ja b skazaŭ, što Hienadź Davydźka i Pavieł Jakubovič bolš słuchali, čym havaryli. Nijakich ahresiŭnych vypadaŭ nie było, nichto nie nazyvaŭ niezaležnuju presu antydziaržaŭnaj. Ja b uvohule adznačyŭ, što surazmoŭcy ŭvieś čas padkreślivali važnaść dyjałohu», — adznačyŭ Andrej Bastuniec.
Razmovaŭ pra toje, ci ŭ «Kłub redaktaraŭ» buduć stała zaprašać kahości ź niedziaržaŭnych ŚMI, ci heta razavaja akcyja, nie było.
Ciapier čytajuć
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec88
Kamientary