Siarhiej Michałok: Kiraŭnictva Minharvykankama zaprasiła mianie viarnucca na Radzimu
Lidar hurtu Brutto Siarhiej Michałok raźmiaściŭ u siecivie videazvarot, u jakim raspaviadaje pra razmovu z čynoŭnikami nakont kancerta ŭ Minsku.
«Kiraŭnictva Minharvykankama ŭračysta zaprasiła, vietliva pryniało našaha pradziusara Antona, — uzrušana kaža Michałok. — Jamu pacisnuli ruku i skazali, što ŭžo daŭno čakajuć hurt Brutto ŭ horadzie-hieroi Minsku.
Mianie, Zielu (aktrysa Śviatłana Zielankoŭskaja, žonka Michałka) i Makara (syn Śviatłany i Siarhieja) zaprasili viarnucca na Radzimu i razam budavać novuju demakratyčnuju jeŭrapiejskuju Biełaruś. My prajšli pravierku ŭsich siłavych struktur i viedamstvaŭ, pravierku tekstaŭ i ideałohij, i o cud, da Brutto niama pretenzij, Brutto — čysty dyjamient».
Tym nie mienš, Siarhiej adznačaje, što zastalisia jašče ludzi ŭ akularach, jakija nie razumiejuć, nakolki važna dla sučasnaj Biełarusi pravieści kancert jaho hurtu. Muzyka prapanuje im nie čakać zahadaŭ źvierchu i telefanavańniaŭ kiraŭnictva, a prosta pastavić svaje rezalucyi i piačatki na nieabchodnych dakumientach. Bo, maŭlaŭ, kancert Brutto ŭ Minsku ŭžo nie spynić. Z čym Michałok i vinšuje svaich prychilnikaŭ.
Raniej paviedamlałasia, što dakumienty na vystup muzykaŭ u Pałacy cportu padadzienyja na 27 maja. Ale hastrolnaje paśviedčańnie dahetul nie atrymanaje.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva11
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3131
Kamientary