Sud pahadziŭsia pieranieści vystupy advakataŭ ukrainskaj lotčycy Nadziei Saŭčanka i jaje apošniaje słova na čaćvier. Ab hetym paprasiŭ bok abarony.
Saŭčanka padčas pasiadžeńnia ŭ sieradu zajaviła, što pačnie z zaŭtrašniaha dnia suchuju haładoŭku, kali sud voźmie bolš za dva tydni na vyniasieńnie prysudu. U hetym vypadku, pa jaje słovach, prysud joj buduć vynosić paśmiarotna.
Jana taksama skazała, što źjaŭlajecca aficeram ukrainskich uzbrojenych sił i «mieła poŭnaje prava abaraniać svaju ziamlu».
«Vy nie majecie nijakaha prava sudzić mianie», — zajaviła jana.
Rasijskija abvinavačvańnie zapatrabavała prysudzić Saŭčanka da 23 hadoŭ pazbaŭleńnia voli. Prakuror Pavieł Filipčuk zajaviŭ, što vina Saŭčanka poŭnaściu dakazanaja.
Sama Saŭčanka jaje admaŭlaje. Na dumku abarony, abvinavačvańni suprać ukrainskaj lotčycy byli sfalsifikavanyja, a sama sprava nosić palityčny charaktar. Abarona miarkuje, što abvinavaŭčy prysud niepaźbiežny.
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary