Maskva prapanoŭvała abmianiać ŭkrainskuju lotčycu Nadzieju Saŭčanka nie na rasiejskich hrušnikaŭ Alaksandrava i Jerafiejeva, a na darohu ŭ Krym.
Pra heta daradca kiraŭnika Słužby biaśpieki Ukrainy Juryj Tandyt paviedamiŭ u intervju «Novaj haziecie».
Tandyt — hałoŭny pieramoŭnik ad Słužby biaśpieki Ukrainy pa pytańniach Danbasa.
«Tak, my viedajem, što jany chacieli b atrymać bolš. Ich, naprykład, cikavić šlachapravod z Rastova ŭ Krym. Mnie pra heta adkryta kazaŭ toj samy čałaviek, blizki da Kramla», — paviedamiŭ jon.
Pa słovach Tandyta, jon tady skazaŭ, što Ukrainu cikavić pytańnie vyzvaleńnia ŭsich zakładnikaŭ, na što čałaviek blizki da Pucina, adkazaŭ, što Rasiei patrebna stabilnaja suviaź z Krymam. «Nu, tady treba, kab vy taksama išli nam nasustrač. Nam treba stabilnaja suviaź z Krymam, kab hruzy tudy možna było vazić, pasažyraŭ», — pracytavaŭ Tandyt słovy svajho surazmoŭcy.
Na heta Tandyt adkazaŭ, što «tolki na Uschodzie možna mianiać pryncesu na paŭcarstva. I tak pytańnie stajać nie moža».
Kamientary