Масква прапаноўвала абмяняць ўкраінскую лётчыцу Надзею Саўчанка не на расейскіх грушнікаў Аляксандрава і Ерафеева, а на дарогу ў Крым.
Пра гэта дарадца кіраўніка Службы бяспекі Украіны Юрый Тандыт паведаміў у інтэрв'ю «Новай газеце».
Тандыт — галоўны перамоўнік ад Службы бяспекі Украіны па пытаннях Данбаса.
«Так, мы ведаем, што яны хацелі б атрымаць больш. Іх, напрыклад, цікавіць шляхаправод з Растова ў Крым. Мне пра гэта адкрыта казаў той самы чалавек, блізкі да Крамля», — паведаміў ён.
Па словах Тандыта, ён тады сказаў, што Украіну цікавіць пытанне вызвалення ўсіх закладнікаў, на што чалавек блізкі да Пуціна, адказаў, што Расеі патрэбна стабільная сувязь з Крымам. «Ну, тады трэба, каб вы таксама ішлі нам насустрач. Нам трэба стабільная сувязь з Крымам, каб грузы туды можна было вазіць, пасажыраў», — працытаваў Тандыт словы свайго суразмоўцы.
На гэта Тандыт адказаў, што «толькі на Усходзе можна мяняць прынцэсу на паўцарства. І так пытанне стаяць не можа».
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ36
Каментары