Haścinica «Hrodna» i restaran pry joj atrymali novaha haspadara. 24 sakavika 16-paviarchovy budynak 1986 hoda pabudovy byŭ pradadzieny na aŭkcyjonie, pieradaje karespandent BiełTA.
Novym ułaśnikam budynka stała TAA «Handlova-pramysłovaja karparacyja «Ciuań Šen» z kitajskaj pravincyi Hańsu. Suma ŭhody skłała kala Br63 młrd.
«Haścinica raźmieščana ŭ dobrym miescy z vydatnaj transpartnaj infrastrukturaj», — prakamientavaŭ vyniki ździełki staršynia praŭleńnia kitajskaj kampanii Čžan Ciuańniań.
Jon adznačyŭ, što ŭ najbližejšy čas budzie raspracavany prajekt rekanstrukcyi budynka. Uvieści abnoŭleny abjekt u ekspłuatacyju pa ŭmovach ździełki nieabchodna nie paźniej, čym praz 4 hady paśla kupli. Ahulnaja płošča 16-paviarchovaha budynka haścinicy — kala 12 tys. kv.m, amal 3, 5 tys. kv.m. — płošča 3-paviarchovaha budynka restarana. Uźviedzieny kompleks na vulicy Papoviča ŭ 1986 hodzie.
Jak raspaviali novyja ŭłaśniki budynka, pad hatelnyja numary budzie adviedziena nie mienš za 50% płoščaŭ: «Hrodna, jak i Biełaruś u cełym, stanovicca ŭsio bolš pryvabnym dla turystaŭ z Kitaja. Spadziajomsia, haścinica dazvolić pryciahnuć u hety pryhožy horad jašče bolš našych suajčyńnikaŭ», — adznačyŭ Čžan Ciuańniań.
Jon raspavioŭ, što restaracyja hatela taksama budzie zachavana. Mahčyma, jana budzie prapanoŭvać kitajskuju kuchniu. Astatnija płoščy budynka buduć addadzieny pa ofisnyja pamiaškańni. Pradstaŭniki biznes-kołaŭ pravincyi Hańsu, jakija prybyli ŭ składzie delehacyi ŭ Hrodna, adznačyli cikavaść da abłasnoha centra ŭ miedycynskaj i turystyčnaj śfierach.
Palitołah Alina Charysava pahadziłasia supracoŭničać z SBU. Akazałasia, heta było KDB36
Kamientary