Na dumku lidaraŭ kampanii, taki mastacki sieryjał paspryjaje nie prosta hodnamu ŭšanavańniu 100-hodździa BNR, ale i tamu, kab nacyjanalnaje śviata stała sapraŭdy ŭsienarodnym.
«Za apošnija hady ŭvaha da hetaj znakavaj u historyi biełaruskaj niezaležnaści i dziaržaŭnaści padziei nieparaŭnalna padvysiłasia. Ale jaje pa-raniejšamu mała. Jak na hramadzkim, tak i dziaržaŭnym uzroŭni.
U źviazku z tym, što praz dva hady naša kraina budzie adznačać 100-hodździe BNR, hramadzianskaja kampanija «Havary praŭdu» ličyć svoječasovym užo zaraz raspačać pracu nad mastackim telesieryjałam pra tyja histaryčnyja padziei», — havorycca ŭ zajavie, jakuju Andrej Dźmitryjeŭ dasłaŭ praz zvarot.by u Ministerstva kultury.
«Televizijny mastacki sieryjał paspryjaje nie prosta hodnamu ŭšanavańniu 100-hodździa BNR, ale i tamu, kab nacyjanalnaje śviata stała sapraŭdy ŭsienarodnym. U ciapierašnich palityčnych varunkach vielmi važna pakazać, što našyja svaboda, niezaležnaść, dziaržaŭnaść — zusim nie ščaślivy vypadkovy padarunak losu, a vynik viekavoha zmahańnia cełych radavodaŭ, mnohich pakaleńniaŭ, tysiač i tysiač patryjotaŭ za biełaruskuju budučyniu», — ličać u «Havary praŭdu».
Taksama lidary kampanii prapanavali Ministerstvu kultury vystupić ź inicyjatyvaj abviaścić 2018 hod Hodam stahodździa BNR i pryniać adpaviednuju dziaržaŭnuju prahramu.
Kamientary