Ščotkina: Pavyšeńnie piensijnaha ŭzrostu zakranie i vajennych, i dziaržsłužačych
Pavyšeńnie piensijnaha ŭzrostu zakranie i vajennych, i dziaržsłužačych. Pra heta paviedamiła siońnia žurnalistam ministr pracy i sacyjalnaj abarony nasielnictva Marjana Ščotkina pa vynikach narady ŭ kiraŭnika Biełarusi pa pytańniach udaskanaleńnia piensijnaj sistemy.
Pa słovach ministra, vypracavanyja adzinyja padychody, što pavyšeńnie piensijnaha ŭzrostu pavinna datyčycca absalutna ŭsich.
«Heta značyć krok pa paŭhoda z 1 studzienia 2017 hoda budzie datyčycca i hramadzianskaha nasielnictva, i vajskoŭcaŭ, i dziaržaŭnych słužačych, — skazała jana. — Kali razhladać ilhotnyja piensii, to ŭsie praviły vychadu zastanucca raniejšymi, ale płanka na prava atrymańnia daterminovaj piensii taksama z usimi razam budzie pavyšacca».
Marjana Ščotkina padkreśliła, što zachavajecca i dadatkovaja harantyja dla ludziej pieradpiensijnaha ŭzrostu ad zvalnieńnia.
«Rašeńnie, jakoje prymajecca na ŭzroŭni dziaržavy, pavinna ŭličvać nie tolki ekanamičnyja efiekty, ale i demahrafičnyja, i abaviazkova sacyjalnyja. Nielha prymać rašeńnie biez uliku zvarotnaj suviazi z boku hramadstva. Tamu i sacyjalny aśpiekt, i harantyi zakanadaŭstva žančynam na asablivuju abaronienaść z boku dziaržavy — heta ŭsio, niesumnienna, nieabchodna ŭličvać», — skazała ministr.
Što tyčycca piensijnaha strachavańnia, to Marjana Ščotkina adznačyła, što ŭ krainie zachavajecca prava na jaho na dobraachvotnaj asnovie. «Prezident daručyŭ aktyŭna raźvivać dobraachvotnaje piensijnaje strachavańnie z tym, kab možna było strachavać dadatkovuju piensiju i čałavieku indyvidualna, i praz kalektyŭnyja dahavory. Pierśpiektyva za hetym. My nie budziem na dadzienym etapie i naohuł u bližejšaj pierśpiektyvie pierachodzić na abaviazkovaje, ale dobraachvotnaje pavinna aktyŭna raźvivacca i davać istotnuju prybaŭku da piensij», — skazała jana.
Kamientary