Siońnia kiraŭnik aparata staršyni SBU Alaksandr Tkačuk infarmavaŭ, što ŭ aeraporcie «Kijeŭ» (Žulany) ździejśniŭ płanavuju pasadku samalot. Na borcie znachodziłasia 149 pasažyraŭ i siem členaŭ ekipaža. Pa słovach Tkačuka, pryziamleńnie adbyłosia ŭ štatnym režymie, ale paśla pryziamleńnia adzin z pasažyraŭ paviedamiŭ ab tym, što na borcie samalota znachodzicca vybuchoŭka, i jon źbirajecca jaje padarvać.
Pa słovach Tkačuka, pasažyr, jaki pahražaŭ padarvać samalot, užo zatrymany, jon akazaŭsia hramadzianinam RF.
Taksama Tkačuk adznačyŭ, što zatrymali jašče adnaho hramadzianina RF, jaki, «pavodle apieratyŭnych dadzienych, datyčny da hetaj padziei», paviedamlaje UNIAN.
Jak zajaviła ŭ efiry telekanała «112 Ukraina» pres-sakratar aeraporta «Kijeŭ» Halina Bahdanienka, mužčyna byŭ niećviarozy.
«Adzin z pasažyraŭ na borcie paviedamiŭ ekipažu pra toje, što ŭ jaho jość vybuchoŭka z saboj. Pasažyr vypiŭ i pavodziŭ siabie nieadekvatna. Ekipaž pieradaŭ hetuju infarmacyju dyśpietčarskaj słužbie našaha aeraporta. Heta było za 10 chvilin da taho, jak samalot pryziamliŭsia. Kali samalot pryziamliŭsia, jaho sustrakali nie tolki słužby aeraporta, ale i padraździaleńni SBU i vybuchatechniki», — paviedamiła jana.
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary