U Litvie prapanujuć zrabić Vialikuju piatnicu (piaredadzień Vialikadnia) vychodnym dniom, piša Delfi.
«Ciažka sabie ŭjavić, što kali hety dzień u postsavieckaj Litvie stanie vychodnym, to ludzi pačnuć pravodzić jaho ŭ malitvie», — piarečyć daśledčyk relihii prafiesar Paŭlus Subačus.
Ale z hledžańnia relihijnaha aśpiektu Vialikaja piatnica — značny dzień dla katalikoŭ i pratestantaŭ, u hety dzień uspaminajuć šlach pakut Chrysta. Piatnica — vychodny dzień u pratestanckich Šviecyi, Danii i Finlandyi i ŭ katalickich Ispanii, Irłandyi, Hiermanii, Niderłandach. Akramia taho, heta vychodny dzień u Vialikabrytanii, Łatvii i Estonii. U Polščy heta pracoŭny dzień, ale ŭžo nieadnarazova ŭzdymałasia pytańnie ab tym, što hety dzień pavinny zrabić vychodnym. U Polščy, pa damoŭlenaści, u hety dzień nie pracujuć pratestanty, bo dla ich heta vielmi važny dzień.
«Napeŭna, składana nie pahadzicca z tym, što zaŭsiody chočacca bolš adpačyvać, kab było bolš vychodnych, bolš volnaha času, jaki možna pryśviacić siamji, vučobie. Ale, viadoma, my nie možam mocna vyłučacca na fonie ES i ŭsiaho śvietu, pakolki heta adabjecca na kankurentazdolnaści krainy», - ličyć ekanamist Nieryus Mačulis.
Treba skazać, što ŭ Litvie niepracoŭnym dniom źjaŭlajecca paniadziełak paśla katalickaha Vialikadnia (heta značyć siońnia).
U Biełarusi na zołku niezaležnaści taksama paniadziełki paśla katalicka-pratestanckaha i pravasłaŭnaha Vialikadniaŭ niejki čas byli vychodnymi dniami, a potym ich admianili, jak naprykład i Dziady 2 listapada.
Kamientary