Supracoŭniki FBR zdoleli ŭzłamać zabłakavany mabilny telefon iPhone, jaki naležaŭ ŭdzielniku napadu na mirnych hramadzian u kalifarnijskim San-Biernadyna Saidu Faruku.
Pakul nie paviedamlajecca, jak mienavita FBR zdoleła atrymać dostup da infarmacyi. Adnak užo viadoma, što na hetym hučny sudovy razhlad z vytvorcam smartfona — kampanijaj Apple — zavieršycca.
Raniej sud pa prośbie FBR abaviazaŭ kampaniju raspracavać prahramnaje zabieśpiačeńnie, jakoje dapamoža razbłakavać telefon zastrelenaha pry zatrymańni Faruka. Heta tłumačyli tym, što telefon moža ŭtrymlivać važnuju dla śledčych infarmacyju.
Adnak Apple admoviłasia vykonvać rašeńnie suda i abskardziła jaho ŭ vyšejšaj instancyi. U kampanii zajavili, što ličać takija dziejańni parušeńniem pravoŭ klijentaŭ. Mnohija IT-kampanii jaje padtrymali.
Prablema FBR zaklučałasia ŭ sistemie biaśpieki smartfona. Usie dadzienyja na iPhone aŭtamatyčna źniščajucca paśla 10 niaŭdałych sprob uvodu koda dostupu da telefona. Navat sama kampanija nie moža atrymać dostup da fajłaŭ u pamiaci smartfona.
Said Faruk i jaho žonka Tašfin Malik 3 śniežnia adkryli stralbu ŭ amierykanskim horadzie San-Biernadyna. U vyniku zahinuli 14 biazzbrojnych ludziej. Sami muž i žonka byli zabityja palicyjaj.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1818
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?18
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary