Fond baraćby z karupcyjaj (FBK) Alaksieja Navalnaha apublikavaŭ źviestki pra kvatery Žanny Zołatavaj, dački nadoječy pryznačanaha kiraŭnika Nacyjanalnaj hvardyi Rasiei, Viktara Zołatava. Pavodle acenki jurystaŭ fondu, košt kvatery ciapier składaje amal 343 młn rubloŭ, abo $5 młn, piša RBK.
Kvatera, jakaja naležyć dačce Zołatava, nie paznačanaja ŭ dekłaracyi ab dachodach za 2014 hodzie. Na toj momant Žanna Zołatava nie była paŭnaletniaj, a tamu jejnaje žyllo pad dekłaravańnie nie padpadała.
Pres-słužba Nacyjanalnaj hvardyi nie zmahła apieratyŭna adkazać na zapyt RBK.
Pavodle vypisu ź dziaržaŭnaha rejestra nieruchomaj majomaści, padadzienaj FBK, u vałodańni Žanny Zołatavaj znachodzicca kvatera płoščaj 500 m2 na Łamanosaŭskim praśpiekcie ŭ Maskvie. Prava na kvateru jana zarehistravała ŭ dziaržaŭnych orhanach u listapadzie 2011 hoda.
U rasśledavańni taksama zhadvajecca, što Zołataŭ maje dom płoščaj 274,6 m2. Navalny pakazvaje ŭ publikacyi, što ŭ domie Zołatava raniej pražyvaŭ Anastas Mikajan. Navalny taksama śćviardžaje, što kiraŭniku Nachvardyi pieradali blizu hiektara ziamli, koštam 2 młn rub za sotku. Takim čynam, miarkujuć u FBK, aktyvy siamji Zołatava ŭ sumie składajuć zvyš 663 miljony rubloŭ. Pry hetym aficyjny dachod siłavika za 2014 hod — 6,5 młn rub.
-
Deputata Jeŭraparłamienta, jaki rasśledavaŭ złoŭžyvańni Pegasus, samoha ŭzłamali hetaj špijonskaj prahramaj
-
Rasijanku, jakaja zrabiła ŭ bary «kaljan na kuličy», usio ž nie buduć adpraŭlać u kałoniju
-
Vatykan adłučyŭ ad carkvy Bractva śviatoha Pija X. Raskolniki majuć kaplicu ŭ Minsku, dzie ŭsio pa-rusku — što ciapier čakaje hetych viernikaŭ
Ciapier čytajuć
Radzilnyja damy spaborničajuć, u kaho 3 lipienia narodzicca bolš dziaciej12
Kamientary