Prakuratura Zavodskaha rajona Minska nakiravała ŭ rajonny sud kryminalnuju spravu pa abvinavačvańni dvuch maładych minčan u złačynstvach suprać ułasnaści, asabistaj svabody, honaru i hodnaści, pałavoj niedatykalnaści.
Jak raskazała BiełaPAN namieśnik prakurora Zavodskaha rajona Viktoryja Kuncevič, paciarpiełaja, žycharka Minska 1993 hoda naradžeńnia, zamužniaja, jakaja maje dzicia, na praciahu niekatoraha času padtrymlivała blizkija adnosiny z adnahodkam, ź jakim paznajomiłasia va «UKantakcie».
8 studzienia hetaha hoda maładaja žančyna apynułasia ŭ haściach u svajho siabra na vulicy Taškienckaj, dzie byŭ i jaho pryjaciel 1991 hoda naradžeńnia. Jamu, u adroźnieńnie ad siabra, jana admoviła ŭ blizkaści.
U adpłatu pjanyja chłopcy zakavali žančynu ŭ kajdanki, zakleili rot skotčam, nočču vyvieźli ŭ Minski rajon, dzie zhvałcili, u dziesiacihradusny maroz zahnali hołuju ŭ raku, zakidvali śniežkami, vykrali sumačku z hrašyma i mabilnym telefonam. Potym vyciahnuli paciarpiełuju z vady, advieźli da siabie dadomu i adpuścili. Heta było ŭžo 9 studzienia. Ździeki doŭžylisia na praciahu vaśmi hadzin.
Jak adznačyła Viktoryja Kuncevič, paśla zatrymańnia padazravanyja dali peŭnyja pakazańni, a potym admovilisia supracoŭničać sa śledstvam. Dokaz ich viny hruntujecca ŭ tym liku na pakazańniach śviedkaŭ, vyniku hienatypaskapičnaj ekśpiertyzy i h.d.
Abodvum vystaŭlenyja abvinavačvańni ŭ ździajśnieńni złačynstvaŭ, praduhledžanych č. 2 art. 166 KK (zhvałtavańnie, učynienaje hrupaj asob), č. 2 art. 167 KK (hvałtoŭnyja dziejańni sieksualnaha charaktaru, učynienyja hrupaj asob), pp. 3, 6, 7 č. 2 art. 182 KK (vykradańnie čałavieka z karyślivych mierkavańniaŭ hrupaj asob pa papiaredniaj zmovie z užyvańniem hvałtu, niebiaśpiečnaha dla žyćcia abo zdaroŭja, albo jakoje supravadžałasia pakutami abo katavańniem), č. 2 art. 207 KK (razboj).
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary