Pad Klimavičami zakryvajecca adzinaja ŭ krainie dziaržaŭnaja strausinaja fierma
U vioscy Sabaloŭka Klimavickaha rajona budzie likvidavana adzinaja ŭ krainie dziaržaŭnaja strausinaja fierma.
Pradpryjemstva isnavała z 2006 hoda jak filijał AAT «Ahrakambinat «Prydniaproŭski».
«U 2013-m było 1100 straŭsaŭ. Bo pieršapačatkova ranča zadumvałasia jak plemiannoje. My pradali 180 ptušaniat, kala 1000 jajek, bolš za 13 ton miasa. Ale ŭžo ŭ minułym hodzie realizavali ŭsiaho 49 hałoŭ maładniaku, 100 jajek i miasa mienš za 2,5 tony», — raskazvaje dyrektar ranča Alaksandr Załacienka.
Staršynia Klimavickaha rajvykankama Vasil Zacharanka tłumačyć, što stratnaje pradpryjemstva budzie pieraprafilavana, naprykład, pad raźviadzieńnie brojleraŭ.
Pad ptuškafabryku daviadziecca zakuplać novaje abstalavańnie. Staryja inkubatary dla straŭsaŭ pierapradać nie ŭdasca — a jany kaštujuć bolš za 1 miljon jeŭra.
* * *
Pa dadzienych Ministerstva ekanomiki, na pačatak 2016 hoda ŭ krainie naličvałasia 846 straŭsaŭ. Prydniaproŭskaja ptuškafabryka na Mahiloŭščynie — samy bujny zavodčyk. Astatnija — na «Straŭs-ranča» u Kobrynskim rajonie i ŭ fiermierskaj haspadarcy «Ptušyny śviet» u Słuckim.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1515
Kamientary