Palicyja Ispanii paviedamiła pra zatrymańnie hramadzianina Francyi, jaki padazrajecca ŭ dastaŭcy zbroi isłamistu Amiedu Kulibali, jaki zachapiŭ zakładnikaŭ u paryžskaj kramie ŭ studzieni minułaha hoda.
Pavodle paviedamleńnia, 27-hadovy Antuan Denioŭ — vychadziec z francuzskaha rehijonu Pa-de-Kale — byŭ zatrymany ŭ aŭtorak u rajonie ispanskaha horada Małaha pa zapycie francuzskich uładaŭ.
Prakuratura Ispanii zajaviła, što hatovaja vydać padazravanaha Francyi, kali budzie paćvierdžana, što ŭ dačynieńni da jaho nie pravodzicca rasśledavańnie na terytoryi Ispanii.
U studzieni 2015 hoda uzbrojeny aŭtamatam Amied Kulibali zachapiŭ kala 20 zakładnikaŭ u kramie kašernych praduktaŭ na ŭschodzie Paryža. U chodzie šturmu ad jaho ruk zahinuli čaćviora zakładnikaŭ, sam napadnik byŭ zastreleny palicyjantami.
32-hadovy Kulibali byŭ adnym z udzielnikaŭ sieryi napadaŭ u Paryžy, što pačałasia z rasstrełu redakcyi satyryčnaha časopisa Charlie Hebdo 7 studzienia, u vyniku jakoha zahinuli 17 čałaviek.
Kamientary