Паліцыя Іспаніі паведаміла пра затрыманне грамадзяніна Францыі, які падазраецца ў дастаўцы зброі ісламісту Амеду Кулібалі, які захапіў закладнікаў у парыжскай краме ў студзені мінулага года.
Паводле паведамлення, 27-гадовы Антуан Дэнёў — выхадзец з французскага рэгіёну Па-дэ-Кале — быў затрыманы ў аўторак у раёне іспанскага горада Малага па запыце французскіх уладаў.
Пракуратура Іспаніі заявіла, што гатовая выдаць падазраванага Францыі, калі будзе пацверджана, што ў дачыненні да яго не праводзіцца расследаванне на тэрыторыі Іспаніі.
У студзені 2015 года узброены аўтаматам Амед Кулібалі захапіў каля 20 закладнікаў у краме кашэрных прадуктаў на ўсходзе Парыжа. У ходзе штурму ад яго рук загінулі чацвёра закладнікаў, сам нападнік быў застрэлены паліцыянтамі.
32-гадовы Кулібалі быў адным з удзельнікаў серыі нападаў у Парыжы, што пачалася з расстрэлу рэдакцыі сатырычнага часопіса Charlie Hebdo 7 студзеня, у выніку якога загінулі 17 чалавек.
-
Пашынян прагаласаваў на парламенцкіх выбарах у Арменіі. Ён заявіў, што ніякай напружанасці з Расіяй няма, а шлях да ЕС працягнецца
-
Кіраўнік МЗС Украіны: Расіі ўсё адно давядзецца скончыць вайну дыпламатычным шляхам, але ўмовы будуць горшыя
-
Кітай абвясціў пра спецыяльную ваенна-марскую аперацыю паблізу Тайваня
Цяпер чытаюць
«Ні тады, ні сёння я не лічу, што зрабіў штосьці кепскае». Дзядок шчыра расказаў пра былыя адносіны з 16‑гадовай дзяўчынай26
Каментары