Kijeŭski sud vydaŭ order na aryšt kiraŭnika akupacyjnaha ŭrada Kryma Aksionava
Piačerski rajonny sud Kijeva vydaŭ order na aryšt kiraŭnika anieksavanaha Rasijaj Kryma Siarhieja Aksionava, paviedamlaje Hienprakuratura Ukrainy.
«Pastanovaj Piačerskaha suda Kijeva dadzieny dazvoł na zatrymańnie padazravanaha […] Aksionava», — skazana ŭ paviedamleńni.
Suprać Aksionava raspačali kryminalnuju spravu, jaho padazrajuć u złoŭžyvańni słužbovym stanoviščam, niezakonnym zavałodańni majomaściu dziciačaha łahiera «Artek» i pieradačy jaho Rasii.
U ramkach toj ža spravy na majomaść łahiera nakładzieny aryšt.
Sam Aksionaŭ skieptyčna pastaviŭsia da rašeńnia sudu i nazvaŭ jaho «prajavaj kretynizmu».
«Kali sud Kijeva vyrašyŭ mianie zatrymać i aryštavać, to niachaj pasprabujuć vykanać svajo rašeńnie. U čym prablema? Adras viedajuć — napierad da vykanańnia. Zastałosia tolki pryjechać. Akurat siadžu i čakaju ich, kali pryjeduć», — napisaŭ jon u Facebook.
Taksama sudom dadzieny dazvoł na zatrymańnie pryznačanaha akupacyjnaj uładaj AR Krym hienieralnaha dyrektara NPAO «Masandra» Jaryny Paŭlenka.
Havorka idzie pra spravu pa fakcie rastraty butelki ŭnikalnaha kalekcyjnaha vina Chieras-de-ła-Frantiera ŭradžaju 1775 hoda koštam kala 100 tysiač dalaraŭ ZŠA, jakoje ŭvachodziła ŭ kalekcyjny fond «Masandry», było nacyjanalnym zdabytkam Ukrainy, składała značnuju histaryčnuju, navukovuju i praktyčnuju kaštoŭnaść.
Jak viadoma, Paŭlenka adkarkavała dla prezidenta Rasijskaj Fiederacyi Uładzimira Pucina i eks-premjera Italii Silvijo Bierłuskoni butelku vyšejpakazanaha vina, a zatym śpisała jaho pa canie 44 rubli 12 kapiejek.
Ciapier čytajuć
Staršynia Rady biaśpieki zaklikaŭ biełarusaŭ ustrymacca ad pajezdak u Rasiju7
Kamientary