Źniščalniki VPS Vienhryi byli padniatyja pa tryvozie paśla taho, jak samalot «Boinh» pierastaŭ vychodzić na suviaź z dyśpietčarami, paviedamlaje ŭ niadzielu, 1 maja, telekanał ITV.
Zhodna z pratakołami pavietranaj biaśpieki, piłoty pavinny ŭstupać u kantakt z dyśpietčarami tady, kali samaloty pierasiakajuć pavietranyja miežy krain. «Boinh» avijakampanii British Airways, jaki lacieŭ z AAE ŭ Vialikabrytaniju, nie zrabiŭ hetaha, uvajšoŭšy ŭ pavietranuju prastoru Vienhryi.
Paśla taho, jak piłoty nie vyjšli na suviaź, vienhierskija ŭłady abviaścili najvyšejšy ŭzrovień niebiaśpieki, u nieba pa tryvozie byli padniatyja dva źniščalniki, jakija pavinny byli identyfikavać «Boinh» i pierakanacca ŭ tym, što jaho palotu ničoha nie pahražaje.
«Suviaź z dyśpietčarami była chutka adnoŭlenaja, samalot pryziamliŭsia ŭ Chitraŭ (aeraport u Łondanie)», — raspavioŭ u hutarcy z telekanałam pradstaŭnik British Airways.
Źniščalniki byli padniatyja a 12:55 pa miascovym časie, u 13:21 jany ŭžo viarnulisia na bazu. U niebie «Boinh» vyjavili taksama radary ministerstva abarony Vienhryi.
Kamientary