Akupacyjnyja ŭłady pravodziać pieratrusy, dopyty i raspačynajuć kryminalnyja spravy suprać krymskich tataraŭ, kab prymusić ich pakinuć Krym.
Pra heta lidar krymskatatarskaha naroda, narodny deputat Ukrainy Mustafa Džamileŭ zajaviŭ «Krym.Riealii».
«Adzinaja meta — zapałochać, prymusić ludziej maŭčać. Jość jašče druhaja meta — prymusić krymskich tataraŭ pakinuć Krym. Jany, hetak ža, jak i ŭ stalinskija časy, chočuć bačyć etničny taki čysty ruski Krym», — ličyć jon.
Na dumku Džamileva, kryminalnaja sprava, raspačataja FSB u dačynieńni da namieśnika kiraŭnika Miedžlisa krymskatatarskaha naroda Ilmi Umierava, nieabhruntavanaja i nie adpaviadaje zakonu.
«U akupantaŭ taki strach pierad krymskimi tatarami, što jany nie ličacca ni ź jakimi normami i zakonami. Abvinavačvańnie Ilmi Umierava u tym, što jon zaklikaŭ da zamachu na terytaryjalnuju cełasnaść Rasijskaj Fiederacyi, — heta absurd. Jon prosta vykazvaŭ svoj punkt hledžańnia jak hramadzianin Ukrainy i syn svajho naroda. A naš narod całkam nie pryznaŭ hetuju akupacyju», — adznačyŭ jon.
Džamileŭ taksama nahadaŭ, što rasijskuju anieksiju Kryma nie pryznaŭ i ceły šerah krain Jeŭropy.
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary