Rasijskaja FSB u čaćvier zatrymała ŭ akupavanym Krymie namieśnika staršyni Miedžlisa krymskatatarskaha naroda Ilmi Umierava.
Pra heta paviedamlaje vydańnie «15 chvilin» sa spasyłkaj na svaje krynicy.
Pavodle dadzienych vydańnia, u poźvie Umieraŭ fihuruje jak padazravany.
«Paźniej siłaviki pavieźli jaho, jak miarkujecca, u Simfieropal. Razam z Umieravym u FSB adpraviŭsia advakat Emil Kurbiadzinaŭ», — dadali ŭ vydańni.
U svaju čarhu sam Kurbiadzinaŭ raspaŭsiudziŭ na svajoj staroncy ŭ Facebook post namieśnika kiraŭnika Miedžlisa Narymana Džalała pra toje, što Umierava viazuć va ŭpraŭleńnie FSB u Simfieropali.
U svaju čarhu akupacyjny prakuror Kryma Natalla Pakłonskaja zajaviła, što suprać Umierova ŭzbudžanaja kryminalnaja sprava pra sieparatyzm.
«Prakuraturaj Respubliki Krym vyvučana pracesualnaje rašeńnie śledčaha adździeła UFSB ab raspačaćci kryminalnaj spravy pa prykmietach złačynstva, praduhledžanaha častkaj 2 artykuła 280.1 KK RF u dačynieńni da Ilmi Rustumaviča Umierava. Jon padazrajecca ŭ ździajśnieńni publičnych zaklikaŭ i dziejańniaŭ, nakiravanych na źmianieńnie terytaryjalnaj cełasnaści RF», — cytuje jaje słovy TASS.
Pavodle jaje słoŭ, takija zakliki jon zrabiŭ u sakaviku 2016 hoda, znachodziačysia na terytoryi Ukrainy, kali vystupaŭ u žyvym efiry telekanała ATR.
«Zatym vystupy Umierava byli raźmieščanyja ŭ sietcy internet», — raspaviała Pakłonskaja.
Jak viadoma, raniej akupacyjny krymski sud zabaraniŭ dziejnaść Miedžlisa jak ekstremisckaj arhanizacyi.
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak28
Kamientary