Na daterminovych parlamenckich i miascovych vybarach u Serbii, jakija adbylisia ŭ niadzielu, pieramahła kaalicyja praeŭrapiejskich partyj. Serbskija palityki pierad vybarami śćviardžali, što na hety raz hałasavańnie budzie mieć charaktar referendumu «za» ci «suprać» Eŭropy.
Na daterminovych parlamenckich i miascovych vybarach u Serbii, jakija adbylisia ŭ niadzielu, pieramahła kaalicyja praeŭrapiejskich partyj. Pavodle papiarednich źviestak, jana nabrała kala 39 % hałasoŭ. Jaje hałoŭnyja supierniki — serbskija nacyjanalisty z Radykalnaj partyi — adstali amal na 10 %. Hety vynik značna horšy, čym na minułych parlamenckich vybarach paŭtara hoda tamu. U parlament Serbii ŭvojduć jašče try partyi — partyja Kaštunicy, sacyjalisty i liberały — i pradstaŭniki nacyjanalnych mianšyń.
Nichto — ni prychilniki demakratyčnaha bloku, ni analityki, jakija pasłuhavalisia apytańniami hramadzkaj dumki, — nie čakaŭ pieramohi demakrataŭ, a naŭrad ci j sami palityki z Demakratyčnaj partyi vieryli ŭ toje, što mohuć tak pierakanaŭča parazić Radykalnuju partyju Serbii.
Serbskija palityki pierad vybarami śćviardžali, što na hety raz hałasavańnie budzie mieć charaktar referendumu «za» ci «suprać» Eŭropy. U vyniku sytuacyja sapraŭdy vyrašyłasia na karyść eŭrapiejskaj intehracyi krainy. Specyjalisty ličać, što na serbskich vybarcaŭ paŭpłyvała toje, što pry kancy krasavika było padpisanaje pahadnieńnie pra zbližeńnie Serbii z Eŭraźviazam, potym EZ pahadziŭsia z ablahčeńniem vizavaha režymu dla serbskich hramadzian, a pierad vybarami była dasiahnutaja damoŭlenaść pra niekalki bujnych investycyj eŭrapiejskich partneraŭ.
Ale, niahledziačy na pieramohu demakratyčnaha bloku, jak tolki stali viadomyja vyniki vybaraŭ, usie ŭ Biełhradzie pačali zajmacca matematykaj — ličyć, kolki mandataŭ u astatnich partyj, i jakija ź ich demakraty zmohuć pryciahnuć dla farmavańnia kaalicyjnaha ŭradu. Bo absalutnaj bolšaści ŭ parlamencie jany nie atrymali, i ŭžo ad siońnia pačnucca ciažkija pieramovy z patencyjnymi partnerami.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ9
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1111
Kamientary