Za hałoŭnuju ŭznaharodu — Załatuju palmavuju halinu, pazmahajucca 22 kinastužki. Upieršyniu ŭ historyi festu svaje paviljony adčyniać Ukraina i Rasieja.
61‑y Kanski kinafestyval projdzie z 14 pa 25 traŭnia.
Raspačnie śviata kino mistyčny trymcieńnik brazylca Fernandu Mejreleša «Ślepata» z Džulijanaj Mur u hałoŭnaj roli. A zakryje kinaforum novaja stužka Bary Levinsana pavodle memuaraŭ Arta Linsana «To što ž zdaryłasia?» z udziełam Roberta de Nira i Brusa Ŭilisa.
Krytyki miarkujuć, što adnym z hałoŭnych pretendentaŭ na Załatuju palmavuju halinu źjaŭlajecca režyser Klint Istvud, aŭtar filma «Padmiena», hałoŭnuju rolu ŭ jakim zhulała Andžalina Džoli.
Hałoŭnaj padziejaj pazakonkursnaj prahramy stanie premjera novaha filma Styvena Śpiłberha «Indyjana Džons i Karaleŭstva kryštalovaha čerapa» — čaćviertaja častka seryjała pra pryhody archieolaha.
Staršyniom sioletniaha žury budzie viadomy amerykanski aktor i režyser Šon Pen. Hałoŭnuju ŭznaharodu ŭručyć aktor Robert de Nira.
Upieršyniu ŭ historyi festu svaje paviljony adčyniać Ukraina i Rasieja. Akramia taho hetyja krainy pradstaviać svaje filmy — ukrainskija kinatvorcy prademanstrujuć šeść karotkametražnych filmaŭ, rasiejskija režysery — try paŭnafarmatnyja mastackija stužki i adnu dakumentalnuju.
U minułym hodzie Załatuju palmavuju halinu Kanskaha kinafestyvalu atrymała stužka «4 miesiacy, 3 tydni i 2 dni» rumynskaha režysera Kryścijana Mundžu.
Kinafestyval u Kanach (Francyja) upieršyniu byŭ praviedzieny ŭ 1946 hodzie z 20 vieraśnia pa 5 kastryčnika. Z taho času jon ładzicca štohod ŭ traŭni. Adnosicca da najvyšejšaj katehoryi A. Dziakujučy tamu, što pakazy festyvalnych stužak zakrytyja dla prostaj publiki, karystajecca šalonaj papularnaściu siarod kinazorak.
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary