Unikalny biełaruski abrad — «Pachavańnie strały». Pryhožaje VIDEA
U vioscy Staŭbun, što ŭ Vietkaŭskim rajonie Homielskaj vobłaści, ź jazyčnickich časoŭ zachavaŭsia ŭnikalny abrad — «Pachavańnie strały» («Pachavańnie suły»). Śviatkujuć jaho na pravasłaŭnaje Ušeście, jakoje sioleta prypała na 9 červienia. Sam abrad słužyć dziela abarony vioski ad małanak i simvalizuje raźvitańnie ź viasnoj i sustreču leta, a taksama spadzievami na dobry ŭradžaj.
«Pachavańnie strały» viadomaje tolki na Pasožžy. Staraviery, jakich šmat pierasialiłasia na Vietkaŭščynu, ličać abrad hrachoŭnym. U niekatorych vioskach isnujuć zabarony ad śviataroŭ na jaho praviadzieńnie.
Na praciahu niekalkich hod tradycyju dapamahajuć zachoŭvać udzielnicy kalektyvu «Staŭbunskija viačorki» da jakich dałučajucca viaskoŭcy, moładź i hości ź inšych rehijonaŭ Biełarusi dy navat susiednich dziaržaŭ.
Abrad praduhledžvaje supolnaje šeście ŭsich žančyn sa śpievami z roznych kancoŭ vioski, sustreču na skryžavańniach i vadžeńnie karahodaŭ. Paśla hetaha ŭdzielnicy vypraŭlajucca ŭ žytniovaje pole, dzie taksama vodzicca karahod, a paśla zakopvajecca «strała» — raznastajnyja mietaličnyja rečy, maniety, huziki. Pry viartańni ŭ viosku z pola abaviazkova prychoplivajuć da siabie ŭ chatu niekalki kałaskoŭ. Paśla abradu pačynajecca dobraja dy ščyraja biełaruskaja biasieda.
Kamientary