Vybuch adbyŭsia prykładna ŭ 10-j viečara pa miascovym časie la ŭvachodu ŭ bar Eŭhien u centry horada Ansbach, što ŭ Bavaryi.
Paśla vybuchu la ŭvachodu ŭ bar z rajona byli evakujavanyja kala 2500 čałaviek. Kolkaść paranienych, pa apošnich dadzienych, vyrasła da 12 čałaviek. Zahinuły ŭsiaho adzin, heta sam śmiarotnik.
Mužčyna, jaki pryvioŭ u dziejańnie vybuchovaje prystasavańnie, byŭ 27-hadovym biežancam ź Siryi, jakomu Hiermanija hod tamu admoviła ŭ prytułku. Raniej jon lačyŭsia ad psichičnych zachvorvańniaŭ, paviedamiŭ ministr unutranych spraŭ Bavaryi Joachim Chierman.
Jak raspavioŭ Chierman u intervju miascovym ŚMI, mužčyna raniej dvojčy sprabavaŭ zabić siabie. Ci ŭvachodziła ŭ jaho namiery zabivać inšych ludziej — nieviadoma, skazaŭ Chierman. Ministr adznačyŭ, što vybuchoŭki, znojdzienaj u zaplečniku zahinułaha, chapiła b dla taho, kab paranić ci zabić značna bolšuju kolkaść ludziej.
Jak paviedamiŭ ministr, za niekalki hadzin da vybuchu złamyśniku admovili va ŭvachodzie na muzyčny fiestyval Ansbach Open. Na dumku kiraŭnika MUS, fiestyval moh być hałoŭnaj metaj mužčyny. Bomba mahła spracavać zaŭčasna.
Kamientary