Mer Kan David Linar nakłaŭ zabaronu na źjaŭleńnie na plažach horada žančyn u zakrytych kupalnikach «burkini» ź mierkavańniaŭ biaśpieki i hramadskaha paradku.
Mer zajaviŭ, što «burkini» źjaŭlajucca «simvałam isłamskaha ekstremizmu», znaročystym vyrazam relihijnaj prynaležnaści i mohuć spravakavać ahresiju i vyklikać bojki ŭ hramadstvie, jakoje za apošni čas niekalki razoŭ padviarhałasia napadam z boku radykalna nastrojenych isłamistaŭ.
Słužby biaśpieki ŭ Francyi znachodziacca ŭ stanie padvyšanaj bajavoj hatoŭnaści ŭ śviatle apošnich terarystyčnych incydentaŭ — u tym liku, niadaŭniaha napadu ŭ Nicy.
Parušalniki dadzienaj zabarony pavinny buduć vypłacić štraf u pamiery 38 jeŭra, a taksama albo źmianić kupalny kaścium na bolš prymalny, albo pakinuć plaž.
Novaje praviła pačało dziejničać u Kanach jašče ŭ kancy lipienia, i z taho času jašče nichto nie byŭ zatrymany za jaho parušeńnie.
«Burkini» — kupalny kaścium dla musulmanak, jaki całkam zakryvaje cieła ŭ adpaviednaści z patrabavańniami šaryjatu.
Ciapier čytajuć
«Ni pra što nie škaduj, Śvieta. Žyvie Biełaruś». Śviatłana Kurs napisała list samoj sabie, 15‑hadovaj5
«Ni pra što nie škaduj, Śvieta. Žyvie Biełaruś». Śviatłana Kurs napisała list samoj sabie, 15‑hadovaj
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1818
Kamientary