Realnyja najaŭnyja hrašovyja dachody biełarusaŭ u pieršym paŭhodździ skaracilisia na 7% u adnosinach da takoha ž pieryjadu minułaha hoda. Pra heta paviedamlaje Biełstat. Takim čynam, antyrekord, jaki byŭ ustanoŭleny ŭ studzieni-mai ŭdałosia zamacavać na papiarednim miesiacy.
Realnyja hrašovyja dachody biełarusaŭ (heta značyć hrašovyja dachody za vylikam padatkaŭ, zboraŭ i ŭznosaŭ, skarektavanyja na indeks spažyvieckich cen na tavary i pasłuhi) padajuć ad pačatku hoda.
Da prykładu, u studzieni jany skaracilisia na 5,4% da anałahičnaha pieryjadu 2015 hoda, u studzieni-lutym — na 6,4%, u studzieni-sakaviku — na 6,5%, u studzieni-krasaviku — na 6,8%, a ŭ studzieni-mai — na 7%.
Nahadajem, pa vynikach 2015 hoda realnyja hrašovyja dachody ŭpali na 5,9%.
Sioleta ŭrad płanavaŭ, što realnyja dachody ścipła vyrastuć na 0,5%.
Što tyčycca struktury hrašovych dachodaŭ, to jana taksama nie źmianiłasia: apłata pracy zajmaje 61,6%, dachody ad pradprymalnickaj i inšaj dziejnaści, jakaja prynosić prybytak, — 8,1%, tranśfierty nasielnictvu (piensii, dapamohi, stypiendyi i inšyja tranśfierty nasielnictvu) — 24,3%, dachody ad ułasnaści i inšyja dachody — 6%.
Kamientary