U Breście asudžany były sałdat terminovaj słužby, jaki ździekavaŭsia sa svaich tavaryšaŭ pa słužbie, paviedamiła zahadčyca siektara pa kryminalnych spravach abłasnoha suda Maryna Skałkovič.
Na łavie padsudnych małady čałaviek apynuŭsia za vymahalnictva, a taksama parušeńnie statutnych praviłaŭ uzajemaadnosin pamiž vajskoŭcami. Sud Maskoŭskaha rajona Bresta, razhledzieŭšy spravu, pryznaŭ byłoha sałdata terminovaj słužby vinavatym u ździajśnieńni złačynstvaŭ praduhledžanych č.1 st.208 i č.2 st.443 KK RB. Za patrabavańnie pieradačy majomaści pad pahrozaj prymianieńnia hvałtu da paciarpiełaha, a taksama nieadnarazovy ździek z bajca, jaki nie znachodziŭsia ŭ jaho padnačaleńni, złačyncu pryznačanaje pakarańnie ŭ vyhladzie abmiežavańnia voli terminam na 1,5 hoda z nakiravańniem u vypraŭlenčuju ŭstanovu adkrytaha typu.
Małady čałaviek padaŭ apielacyju, jakuju siońnia razhladzieła sudovaja kalehija pa kryminalnych spravach Bresckaha abłasnoha suda. Paśla pravierki prysud suda Maskoŭskaha rajona pryznany zakonnym, abhruntavanym i spraviadlivym. Jon nabyŭ zakonnuju moc.
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna4
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary