Akademik Harecki: «Łukašenka mnie adkazaŭ: kiń durnoje, Rasija daść nam usio»
Kiraŭnik Biełarusi pierakonvaje prezidenta Tatarstana pryciahnuć «Biełarusnaftu» da pracy ŭ naftavaj halinie. U ekspres-kamientary «Salidarnaści» akademik Radzim Harecki zhadaŭ pra dapuščanuju Alaksandram Łukašenkam pamyłku.
— U nas jość dobraja kampanija «Biełarusnafta», ale abjomy zdabyčy ŭ nas padajuć. U svoj čas naftu vypampavali i vyvieźli ź Biełarusi, — skazaŭ kiraŭnik dziaržavy na sustrečy z prezidentam Tatarstana Rustamam Minichanavym.
Ci sapraŭdy ź biełaruskich nietraŭ vypampavali usiu naftu, a hałoŭnaje — chto i kudy jaje źvioz? Z takimi pytańniami «Salidarnaść» źviarnułasia da vučonaha-hieołaha, byłoha dyrektara Instytuta hieachimii i hieafiziki AN Biełarusi Radzima Hareckaha.
— Vypampavali ź biełaruskaj ziamli sapraŭdy niamała: kala 130 młn ton nafty. Ale vypampavali daloka nie ŭsio. Štohod my praciahvajem zdabyvać kala 1,5 młn ton, i zapasaŭ nafty nam chopić jašče hadoŭ na 10—15, — adkazaŭ akademik. — A voś chto i kudy pavioz zdabytuju naftu, ja nie mahu adkazać. Vialikaja jaje častka była zdabytaja ŭ časy SSSR, tamu ciažka skazać, kudy jaje vyvozili i ci vyvozili naohuł.
U suviazi z žadańniem Alaksandra Łukašenki damahčysia dopusku «Biełarusnafty» da pracy ŭ naftavaj haliny Rasii, akademik Radzim Harecki uspaminaje padziei siaredziny 90-ch hadoŭ.
— Ja asabista prapanoŭvaŭ Łukašenku: davajcie kupim abo voźmiem u kancesiju niekalki naftavych i hazavych radoviščaŭ — u Kazachstanie (ja tam šmat pracavaŭ) ci Zachodniaj Sibiry. Možna było pasprabavać i ŭ Tatarstanie. U toj čas heta było dosyć lohka zrabić. Na heta Łukašenka mnie adkazaŭ: kiń durnoje, Rasija zaŭsiody nam daść usio, što my paprosim, — padzialiŭsia ŭspaminami Radzim Harecki.
— Tak my pravaronili zručny momant. Viadoma, heta było pamyłkaj. Na žal, u toj čas Łukašenka i inšyja kiraŭniki zajmalisia bolš nie haspadarkaj, a palitykaj. A siońnia my znachodzimsia ŭ poŭnaj zaležnaści ad Rasii.
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary