U Baranavickim rajonie Bresckaj vobłaści zarehistravali ŭspyšku trychinielozu, za dva tydni špitalizavanyja amal 30 čałaviek, žychary piaci viosak. Siarod zachvarełych jość dzieci.
Jak paviedamlaje telekanał «Biełaruś 1», usie jany znachodziacca na abśledavańni i lačeńni ŭ infiekcyjnym adździaleńni Baranavickaj haradskoj balnicy. Ich stan aceńvajecca jak lohkaj i siaredniaj stupieni ciažkaści.
Vyśvietliłasia, što ŭsie chvoryja jeli syravialenuju kaŭbasu padčas zastolla ŭ vioscy Pryaziornaje ŭ miascovaha palaŭničaha. Pradukt byŭ pryhatavany ź miasa dzika, jakoha ŭ vieraśni zabili dva žychary Baranavickaha rajona. Dzika razabrali biez papiaredniaj vieterynarnaj ekśpiertyzy, adznačaje hałoŭny ŭrač Baranavickaha zanalnaha centra hihijeny i epidemijałohii Siarhiej Pleskacevič.
Epidemijołahi praciahvajuć vyjaŭlać koła tak zvanych «kantaktnych asob», a pravaachoŭniki vyśviatlajuć, ci sapraŭdy žychar vioski Pryaziornaje źjaŭlajecca palaŭničym.
Daviedka
Trychinieloz — vostraje zachvorvańnie, jakoje supravadžajecca lichamankaj i alerhičnymi prajaŭleńniami. Pry intensiŭnym zaražeńni moža ŭskładniacca orhannymi i sistemnymi paražeńniami. Čaściej raźvivajucca mijakardyt i pnieŭmanija, radziej mieninhaencefalit, abdaminalny sindrom, a taksama paražeńni piečani, nyrak, flebity, trambozy bujnych sasudaŭ.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk45
Kamientary