Ministr kultury Rasii Uładzimir Miadzinski nazvaŭ «śviatymi» partyzanku Zoju Kasmadziamjanskuju i 28 hierojaŭ-panfiłaŭcaŭ. Pavodle jaho słoŭ, «stavicca da ich žyćciaŭ možna tolki jak da žyćciaŭ śviatych». Tyja ž, chto stavić ich podźvihi pad sumnieŭ, buduć hareć u piekle, paabiacaŭ ministr.
Podźvih hieroja SSSR Zoi Kasmadziamjanskaj, pakaranaj niemcami 29 listapada 1941 hoda, hodny stvareńnia filma. Pra heta ministr Miadzinski skazaŭ padčas pamiatnych mierapryjemstvaŭ, pryśviečanych 75-hodździu z dnia pakarańnia partyzanki.
«U nas tam «Vyratavać radavoha Rajana» jość, ale nichto nie sprabuje vyratavać raźviedčycu Kasmadziamjanskuju», — skazaŭ Miadzinski. «Možna zrazumiełaj movaj raspavieści historyju, vartuju kamiery Meła Hibsana», - prapanavaŭ jon, umoŭna nazvaŭšy taki film «Straści ab Zoi».
U rasijskich kinateatrach idzie film režysioraŭ Kima Družynina i Andreja Šalopy «28 panfiłaŭcaŭ», źniaty pry padtrymcy ministerstva kultury. Jaho premjera adbyłasia 16 listapada. Pałova biudžetu filma - 580 tysiač dalaraŭ z prykładna 1 miljona — była sabrana šlacham kraudfandynhu.
Zoja Kasmadziamjanskaja i hieroi-panfiłaŭcy — śviatyja «jak sotni i tysiačy našych prodkaŭ, jakija addali svajo žyćcio i jakija pryniali strašnuju hibiel za našy žyćci», pierakanany Miadzinski.
Miadzinski zajaviŭ, što tyja, chto stavić pad sumnieŭ podźvih hetych ludziej, sprabuje «pad łupaj» adšukać niejkija niedakładnaści, naprykład, kolki dakładna było panfiłaŭcaŭ — 28 abo 38, - u rečaisnaści nie mocna adroźnivajucca ad palicaja Śvirydava, jaki zdaŭ Kasmadziamjanskuju niemcam.
«Niemcy 30 srebnikaŭ zekanomili, jak viadoma, jany ŭznaharodzili jaho plaškaj samahonki za heta. Dy haryć jon u piekle! Jak buduć hareć tyja, chto stavić pad sumnieŭ, kapajecca i sprabuje abvierhnuć podźvih našych prodkaŭ», - skazaŭ Miadzinski.
Ministr kultury Rasii nazvaŭ «končanaj poskudździu» tych, chto sumniajecca ŭ podźvihu hierojaŭ-panfiłaŭcaŭ
Ciapier čytajuć
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury4
Kamientary