Ministr kultury Rasijskaj Fiederacyi Uładzimir Miadzinski nazvaŭ «končanymi poskudziami» («končienymi mraziami») tych, chto stavić pad sumnieŭ sapraŭdnaść historyi pra podźvih 28 panfiłaŭcaŭ.
Na dumku ministra, nichto nikoli nie daviedajecca, kolki panfiłaŭcaŭ było nasamreč. Adnak heta i «nie maje sensu daviedvacca», bo «ich podźvih simvaličny i znachodzicca ŭ tym ža šerahu podźvihaŭ, jak 300 spartancaŭ», dadaŭ jon.
Navat kali b heta było vydumkaj, praciahnuŭ Miadzinski, da jaje varta było b stavicca jak da «śviatoj lehiendy», «da jakoj prosta nielha dakranacca». «A ludzi, jakija heta robiać, poskudź končanaja», — skazaŭ ministr.
U aŭtorak prezident Rasii Uładzimir Pucin i lidar Kazachstana Nursułtan Nazarbajeŭ zaviaršyli sumiesnuju rabočuju prahramu ŭ Astanie prahladam filma «28 panfiłaŭcaŭ», paviedamiŭ raniej pres-sakratar rasijskaha lidara Dźmitryj Piaskoŭ. Pavodle jaho słoŭ, vybar abumoŭleny ŭnikalnaściu karciny «z punktu hledžańnia histaryčnaj praŭdy».
U lipieni 2015 h. Dziaržaŭny archiŭ Rasii apublikavaŭ kopiju dakłada hałoŭnaha vajennaha prakurora SSSR Mikałaja Afanaśjeva, u jakim historyja pra podźvih 28 panfiłaŭcaŭ nazyvajecca vydumkaj žurnalistaŭ haziety «Krasnaja źviezda». U joj upieršyniu źjaviŭsia apovied pra 28 bajcoŭ dyvizii hienierał-majora Ivana Panfiłava, jakija spynili canoj svaich žyćciaŭ nastup niamieckich tankaŭ pad Maskvoj 19 listapada 1941 hoda.
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary