Jaachim Hauk vystupiŭ suprać pahłybleńnia intehracyi krainy ŭ ES i prapanavaŭ uziać paŭzu, kab abdumać dalejšyja dziejańni. Pra heta jon zajaviŭ u intervju haziecie Welt am Sonntag, paviedamlaje RBK.
«My raspracavali vydatny kancept pracy ź Jeŭrapiejskim sajuzam. Mirny prajekt, pra jaki minułyja pakaleńnia mahli tolki maryć», — adznačyŭ Hauk.
Adnak, na dumku prezidenta FRH, ideja jeŭraintehracyi nie zaŭsiody znachodzić padtrymku. «Ale na šlachu da bolš ciesnaha abjadnańnia my byli časam zanadta chutkimi, ad čaho nie ŭsie našy hramadzianie mahli ci chacieli iści za nami», — patłumačyŭ prezident FRH. Pa słovach Hauka, hetaje pytańnie źjaŭlajecca dla jaho pradmietam turbot.
«U cełym, my pavinny padumać pra pierapynak, za čas jakoha my abmiarkujem, jakuju metu my chočam dasiahnuć i ŭ jakim tempie», — skazaŭ na zakančeńnie Hauk.
Raniej kancler Niamieččyny Anhieła Mierkiel nazvała situacyju ŭ ES krytyčnaj. Takuju zajavu kancler zrabiła na samicie ES u Bracisłavie pa situacyi paśla Brexit.
«Sutnaść u tym, kab nie prosta čakać vyrašeńnia prablem Jeŭropy ŭ vyniku adnaho samitu — my znachodzimsia ŭ krytyčnaj situacyi, — a pakazvać dziejańniami, što my možam lepš», — skazała tady jana.
Publikujecca ŭ miežach śpiecyjalnaj rubryki «Naviny Hiermanii»
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary