Ministr ekanomiki pra siaredni zarobak 500 dalaraŭ: Heta vielmi ciažkaja zadača
Pavieličeńnie siaredniaha zarobku pa krainie da ŭzroŭniu 500 dalaraŭ u 2017 hodzie — heta «vielmi ciažkaja zadača». Takoje mierkavańnie vykazaŭ ministr ekanomiki Uładzimir Zinoŭski, razmaŭlajučy z žurnalistami ŭ parłamiencie.
U siaredzinie listapada Łukašenka daručyŭ uradu viarnuć siaredni zarobak na ŭzrovień 500 dalaraŭ u 2017 hodzie, ale pry ŭmovie adpaviednaha rostu pradukcyjnaści pracy. «Pamierci, ale vyjści na 500, — znoŭ vyznačyŭ svoj płan Alaksandr Łukašenka praź niekalki dzion. — Ja budu rabić usio, kab my vyjšli na 500».
— Heta krajnie ciažkaja zadača. My pavinny razumieć, što heta nu vielmi ciažkaja zadača, — acaniŭ płan «ŭsim pa 500» ministr ekanomiki. Jon nahadaŭ, što ciapier siaredni zarobak składaje kala 370 dalaraŭ u ekvivalencie.
— Ale, što tyčycca šerahu halin ekanomiki, asobnych vidaŭ ekanamičnaj dziejnaści, ja dumaju, heta całkam adroznaja zadača, jakaja budzie realizavana ŭ nastupnym hodzie, - dadaŭ Uładzimir Zinoŭski.
Adznačym, što ŭ Biełarusi sapraŭdy dastatkova śfier, dzie siarednija zarobki daŭno pieravysili ŭkazanuju płanku: heta ajcišniki, niekatoryja transpartniki, harniaki, finansavyja pasłuhi, naftapierapracoŭka, chimičnaja pramysłovaść. Zatoje nie daciahvajuć navat da ciapierašniaj siaredniaj zarpłaty pa krainie adukacyja, hramadskaje charčavańnie, sacrabotniki, biblijatekary i muziejnyja rabotniki. U kastryčniku raźbiežka ŭ zarobkach u samych «bahatych» i samych «biednych» rabotnikaŭ skłała 8 razoŭ.
-
Štučny intelekt nie vaš supiernik, a vaš pamočnik. Daviarajcie inavacyjam, vam prosta daviadziecca ŭvieś čas padvučvacca
-
Narviehija stvaraje «Tinder dla navukoŭcaŭ i biznesu». Urad budzie apłačvać «pieršaje spatkańnie»
-
Amierykancy lubiać havaryć pra zaniapad Jeŭropy. Ale bolšaść jeŭrapiejcaŭ žyvie lepš za ich. Praŭda, jašče nie biełarusy
Ciapier čytajuć
Na Alaksandru Hierasimieniu napali ŭ centry Varšavy21
Kamientary