Mahnus Karłsien zastaŭsia čempijonam śvietu pa šachmatach, abyhraŭšy rasiejca Siarhieja Karakina
Narviežac Mahnus Karłsien zastaŭsia čempijonam śvietu pa šachmatach, abyhraŭšy ŭ finale hramadzianina Rasii Siarhieja Karakina.
Sustreča prachodziła ŭ Ńju-Jorku. Asnoŭnyja 12 partyj skončylisia ź likam 6:6, pryčym u kožnaha z šachmatystaŭ było pa adnoj pieramozie, usie astatnija — ničyi.
U vyniku byli pryznačanyja čatyry hulni taj-brejku — heta chutkija šachmaty. Supiernikam dajecca na matč pa 25 chvilin času plus 10 siekund na chod.
Karłsien mieŭ pieravahu ŭ pieršych dźviuch sustrečach, ale nie ŭvasobiŭ jaje ŭ pieramohu.
Zatoje treci matč skončyŭsia pieramohaj narviežca. Usie šachmatnyja ekśpierty abmiarkoŭvajuć fatalnuju pamyłku Karakina, jaki avanturna pajšoŭ napierad biełaj ładździoj:
Ohhh boy. #CarlsenKarjakin pic.twitter.com/0MqjdS04h0
Karłsien pajšoŭ svajoj ładździoj na a1 — i heta była pieramoha.
U apošniaj hulni narviežac nie pakinuŭ šancaŭ Karakinu i atrymaŭ jašče adnu pieramohu.
Pryzavy fond finała składaŭ 1 miljon jeŭra, čempijon atrymaje ź ich 600 tysiač.
* * *
Chto taki Mahnus Karłsien? Šachmatny vunderkind naradziŭsia 30 listapada 1990 hoda — u dzień sioletniaha pieramožnaha finała jon śviatkavaŭ narodziny!
Karłsien — pieršy ŭ historyi čempijon śvietu ŭ troch katehoryjach (u kłasicy, u rapidzie i ŭ blicy).
U kłasičnych šachmatach jon vyjhraŭ tytuł u 2013 hodzie, a paśla abaraniŭ jaho ŭ 2014 i 2016 hadach.
U ciapierašni čas praciahvaje zajmać pieršaje miesca ŭ suśvietnym rejtynhu.
Čytajcie taksama: Były ŭkrainiec, jaki moža stać čempijonam śvietu za Rasiju — piać faktaŭ pra šachmatysta Siarhieja Karakina
Ciapier čytajuć
Ź Ministerstva kultury zvolnili pieršaha namieśnika Markava1
Kamientary