Prezident Kyrhyzstana Ałmaźbiek Atambajeŭ zajaviŭ, što rasijskaja vajennaja baza budzie vyviedziena z krainy paśla zakančeńnia terminu damovy. Pra heta jon skazaŭ padčas pres-kanfierencyi ŭ Biškieku, pieradaje ahienctva «AKIpres».
«My z Rasijaj zaŭsiody budziem stratehičnymi partniorami, ale Kyrhyzstan u budučyni pavinien abapiracca i spadziavacca tolki na svaje ŭzbrojenyja siły, a nie na bazy Rasii, Amieryki ci inšaj krainy. My pavinny budavać svajo vojska», — zajaviŭ Atambajeŭ.
Jon dadaŭ, što pahadnieńnie ab raźmiaščeńni rasijskaj vajskovaj bazy ŭ Kirhizii było padpisanaje byłym prezidentam krainy Kurmanbiekam Bakijevym u 2009 hodzie. Pieršapačatkovy termin dziejańnia dakumienta zakančvaŭsia ŭ 2016 hodzie. Zhodna z damovaj, sioleta jon moh być padoŭžany na 49 hadoŭ, zatym termin moh praciahvacca kožnyja 25 hadoŭ. «My pakinuli tolki na 15 hadoŭ (…). Heta kaštavała mnie niervaŭ, heta nie padabałasia mnohim rasijskim ministram, ale pa hetym pytańni ja znajšoŭ razumieńnie Uładzimira Pucina», — adznačyŭ Atambajeŭ.
Abjadnanaja rasijskaja avijacyjnaja baza «Kant» raźmieščanaja ŭ pryharadzie Biškieka. Jana źjaŭlajecca avijacyjnym kampanientam Kalektyŭnych sił chutkaha razhortvańnia i ŭdzielničaje ŭ zabieśpiačeńni biaśpieki pavietranaj prastory dziaržaŭ ADKB. Na ŭzbrajeńni majucca šturmaviki Su-25 i viertaloty Mi-8.
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary