U Małaryckim rajonie 41-hadovy miascovy žychar abvinavačany ŭ zabojstvie maci.
Jak paviedamiła aficyjny pradstaŭnik upraŭleńnia Śledčaha kamiteta pa Bresckaj vobłaści Maryna Drańkova, pavodle materyjałaŭ śledstva, 5 śniežnia ŭ vioscy Hvoźnica ŭ domie pa miescy žycharstva pamiž mužčynam i jaho 62-hadovaj maci zdaryŭsia kanflikt. Padčas svarki syn nanios maci «nie mienš za siem udaraŭ rukami i nahami, a taksama šklanoj butelkaj i žanočym botam u vobłaść hałavy i cieła».
Susiedzi, pačuŭšy šum u domie, patelefanavali na 102. Supracoŭniki orhanaŭ unutranych spraŭ, jakija prybyli na miesca, zatrymali syna piensijanierki. Jon znachodziŭsia ŭ stanie ałkaholnaha apjanieńnia.
Paciarpiełuju dastavili ŭ balnicu, dzie 11 śniežnia ad atrymanych cialesnych paškodžańniaŭ jana pamierła.
Mužčynu vystaŭlenaje abvinavačańnie na padstavie č. 1 art. 139 KK (zabojstva), jon znachodzicca pad vartaj.
Pavodle słoŭ abvinavačanaha, jon staŭ skandalić z-za taho, što maci vypiła butelku vina, jakuju jon nabyŭ za svaje hrošy.
Raniej mužčyna sudzimy nie byŭ. Žyvie za košt apłaty rabot pa haspadarcy ŭ adnaviaskoŭcaŭ.
Kamientary