Pavodle infarmacyi RIA «Novosti», hienprakuratura Biełarusi pryniała rašeńnie ab ekstradycyi hramadzianina RF Alaksandra Łapšyna ŭ Azierbajdžan. Pra heta abviaściŭ aficyjny pradstaŭnik biełaruskaj prakuratury Piotr Kisialoŭ.
«Pryniata pastanova ab vydačy Łapšyna pa zapycie Azierbajdžana. Hienieralnaj prakuraturaj vyvučany materyjały, nakiravanyja azierbajdžanskim bokam. Na hetaj padstavie było pryniata rašeńnie ab vydačy dadzienaha hramadzianina», — skazaŭ Kisialoŭ.
Nahadajem, rasijska-izrailski błohier Alaksandr Łapšyn byŭ zatrymany ŭ Minsku (u jaho taksama jość pašparty Ukrainy i Kanady), bo Azierbajdžan abviaściŭ jaho ŭ mižnarodny vyšuk za parušeńnie zakona «Ab dziaržaŭnaj miažy» i mihracyjnaha kodeksa.
Łapšyn nie raz naviedvaŭ Nahorny Karabach, za što jašče ŭ 2011 hodzie byŭ uklučany ŭ «čorny śpis» MZS Azierbajdžana. Adnak u červieni minułaha hoda Łapšyn zajechaŭ u Azierbajdžan praz terytoryju Hruzii pa ŭkrainskim pašparcie. Prajści pamiežny kantrol i apynucca ŭ Baku Łapšynu ŭdałosia dziakujučy tamu, što va ŭkrainskim pašparcie imia «Alaksandr» było zapisana pa-ŭkrainsku — «Oleksandr».
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary