Žychara Homiela, jaki sudzicca z padatkovaj nakont dekreta ab darmajedstvie, vyzvalili ad vypłaty zboru
Alaksandr Siamionaŭ, jaki padaŭ pazoŭ u sud na padatkovuju inśpiekcyju, što adpraviła jamu «list ščaścia», vyzvaleny ad vypłaty zboru.
U piatnicu, 17 lutaha, adbyłosia šostaje pa liku pasiadžeńnie, na jakim było pryniata rašeńnie vyzvalić ad vypłaty zboru na finansavańnie dziaržvydatkaŭ 82 čałavieki. Siarod ich - 53-hadovy hamialčanin Alaksandr Siamionaŭ, paviedamlaje hazieta «Homielskija viedamaści».
Nahadajem, u listapadzie mužčyna atrymaŭ «list ščaścia» z padatkovaj. Abskardziŭ jaho spačatku ŭ rajonnaj, zatym u abłasnoj inśpiekcyi. Kali atrymaŭ admovu, źviarnuŭsia ŭ sud. U svaim pazovie Alaksandr prosić pryznać dekret prezidenta supiarečnym Kanstytucyi, a jaho samoha - čałaviekam, jaki ŭdzielničaje ŭ finansavańni dziaržaŭnych raschodaŭ.
21 lutaha ŭ sudzie Centralnaha rajona pavinna adbycca čarhovaje sudovaje pasiedžańnie pa pazovie Siamionava, adnak 20 lutaha stała viadoma, što mužčynu ad vypłaty zboru vyzvalili. Kamisija ŭličyła šerah abjektyŭnych pryčyn, siarod ich - pracoŭny staž, a taksama toj fakt, što hamialčanin pracavaŭ na ziamielnym učastku ŭ 2015 hodzie, i inšyja aśpiekty i vyzvaliła hamialčanina ad nieabchodnaści vypłaty zboru na finansavańnie dziaržaŭnych vydatkaŭ.
Kamientary