Fotazdymki aholenych sałdatak vyklikali skandał u Marskoj piachocie ZŠA
Kryminalnaja śledčaja słužba fłotu ZŠA zaviała spravu ŭ suviazi sa źjaŭleńniem u internecie eratyčnych fota žančyn, jakija słužyli ŭ marskoj piachocie ci byli siabroŭkami marskich piechacincaŭ, piša aficyjny partał marinecorpstimes.com.
Hučny skandał uzrušyŭ amierykanskija ŚMI dniami, kali była pryciahnutaja ŭvaha da supołki Marines United na Facebook, jakaja ciapier užo zabłakavanaja.
U supołcy bolš za 20 000 byłych i sučasnych amierykanskich i brytanskich marpiechaŭ dzialilisia svaimi historyjami i prablemami, a taksama fotazdymkami časoŭ svajoj słužby, u tym liku niu-zdymkami svaich byłych kachanak, što časta supravadžałasia nieprystojnymi i abraźlivymi kamientarami.
Ciapier kolkasny skład Korpusa marskoj piachoty ZŠA — bolš za 220 000 čałaviek. Ahulnaja kolkaść vieteranaŭ-marpiechaŭ u ZŠA — kala 3 młn.
Uvahu žurnalistaŭ i śledčych pryciahnuli nie tolki abrazy ŭ bok sałdatak i nieprystojnyja pavodziny sałdataŭ, ale i toje, što časam nazyvalisia sapraŭdnyja imiony žančyn, jakija potym atrymlivali naviaźlivyja listy i paviedamleńni seksualnaha charaktaru.
Aficyjnyja pradstaŭniki Marskoj piachoty zajavili pra svaju zaniepakojenaść situacyjaj i zaklikali achviar padobnaha pieraśledu źviartacca da śledčych orhanaŭ. Asudzili pavodziny ŭdzielnikaŭ supołki deputaty abodvuch partyj i Pientahona.
Pakarańnie za padobnyja dziejańni moža być vielmi surovym u zaležnaści ad taho, ci słužać achviara i złačynca ciapier u vojsku (ad hetaha budzie zaležać toje, pa jakich zakonach buduć sudzić) i stupieni žorstkaści pieraśledu.
Situacyja stała pradmietam vielmi aktyŭnaha abmierkavańnia ŭ sacyjalnych sietkach i na staronkach vajskovych ŚMI ZŠA.
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie4
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5252
Kamientary