Ministerstva ŭnutranych spraŭ Ukrainy atrymała kopiju zvarotu pravaachoŭnych orhanaŭ RF u Hienieralny sakrataryjat Interpała ŭ Lijonie z zapytam pra abviaščeńnie ŭ vyšuk eks-premjera Arsienija Jacaniuka ŭ mižnarodny vyšuk z metaj aryštu i jaho dalejšaj ekstradycyi ŭ RF. Hety zapyt nie źjaŭlajecca aficyjnym abviaščeńniem Interpała A.Jacaniuka ŭ mižnarodny vyšuk.
Zapyt sfarmiravany pavodle ordara na aryšt Jacaniuka, nibyta vydadzienym haradskim sudom Jesientukoŭ Staŭrapolskaha kraja ad 3 sakavika 2017 h. Rasijskija śledčyja padazrajuć Jacaniuka ŭ tym, što nibyta jon, ahniom z aŭtamata Kałašnikava, zabiŭ 30 i paraniŭ 13 rasijskich vajskoŭcaŭ padčas bajavych dziejańniaŭ u Hroznym. Jacaniuk niby byŭ «členam ŭzbrojenaj bandy «Mryja» i razam ź joj «udzielničaŭ u napadach na rasijskich vajskoŭcaŭ na vajskovyja padraździaleńni Rasii na terytoryi «Prezidenckaha pałaca», płoščy «Minutka», i čyhunačnaj stancyi «Hrozny» z 31 śniežnia 1994 pa 2 studzienia 1995 hoda.
Ministr unutranych spraŭ Ukrainy Arsien Avakaŭ źviarnuŭsia z aficyjnym listom da Hienieralnaha sakratara Interpała Jurhiena Štoka. Avakaŭ zapeŭniŭ Štoka, što Jacaniuk nikoli nie byvaŭ u Čačni, nie ŭdzielničaŭ ni ŭ jakich uzbrojenych kanfliktach, u nazvany rasijskimi śledčymi pieryjad pražyvaŭ, vučyŭsia i pracavaŭ pa miescy svajho naradžeńnia na terytoryi Ukrainy.
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary