Vitala Rymašeŭskaha nie prapuścili ź bieła-čyrvona-biełym ściaham na dazvoleny mitynh u Homieli
Lidara BCHD Vitala Rymašeŭskaha nie prapuścili ź bieła-čyrvona-biełym ściaham na dazvoleny mitynh u Homieli, jaki prachodzić kala DK tavarystva hłuchich. «Nie dazvolena», — skazali milicyjanty, pieradaje karespandent Biełsata Łarysa Ščyrakova.
Sproby pierakanać, što hety ściah byŭ dziaržaŭnym u 1991—1995 hh., na milicyjantaŭ nie padziejničali.
Rymašeŭski kaža, što jaho mašynu zatrymlivali na šlachu ŭ Homiel šeść razoŭ.
U vyniku palityk prajšoŭ za turnikiety, pakinuŭšy ściah u Volhi Kavalkovaj. Jak paviedamiŭ adzin z zajaŭnikaŭ, milicyja taksama nie dazvoliła pranieści na mitynh transparanty.
Rymašeŭski źviarnuŭsia za prysutnych z pałymianaj pramovaj. Kaža pra biespracoŭje, adsutnaść pracy, nizkija zarobki.
Viadomaja 84-hadovaja žančyna vystupaje taksama vielmi emacyjna.
«Narod u halečy. Ja pierabivajusia z chleba na vadu, ceny rastuć, jak hryby paśla daždžu, a jon raźjazdžaje sa svajoj śvitaj»
***
Mitynh u Homieli dazvoleny, tam vielmi ciopła.
U akcyi biare ŭdzieł niekalki čałaviek, bolšaść staić za aharodžaj. Adzin mužčyna śćviardžaje, što jaho nie puścili za turnikiet, bo ŭ rukach byli haziety «Narodnaja vola i «Novy čas».
***
Pierad akcyjaj byli previentyŭnyja zatrymańni, u tym liku zatrymali žurnalista Jaŭhiena Mierkisa.
Ciapier čytajuć
Mužčyna ŭ minskim mietro łapaŭ dziaŭčat, z vyhladu padletkaŭ, i pakazvaŭ im pachabnyja žesty. Jaho zatrymali14
Kamientary