Hramadzianie ZŠA, jakija padarožničajuć u Jeŭropu, ci z adnoj jeŭrapiejskaj krainy ŭ inšuju, pavinny ŭličvać mahčymuju niebiaśpieku teraktaŭ. «Dziarždepartament ZŠA papiaredžvaje amierykanskich hramadzian ab raniejšaj pahrozie napadaŭ terarystaŭ va ŭsioj Jeŭropie», - havorycca ŭ papiaredžańni, apublikavanym na sajcie Dziarždepartamienta ŭ paniadziełak, 1 maja.
Jak udakładniajecca ŭ paviedamleńni, niadaŭnija incydenty ŭ Francyi, Rasii, Šviecyi i Vialikabrytanii śviedčać ab tym, što takija hrupoŭki, jak «Isłamskaja dziaržava» (ID) i «Al-Kaida», a taksama źviazanyja ź imi terarystyčnyja arhanizacyi pa-raniejšamu mohuć płanavać i ažyćciaŭlać terakty ŭ Jeŭropie.
Ekstremisty pa-raniejšamu fakusujuć svaju ŭvahu na miescach skapleńnia turystaŭ, transpartnych vuzłach, rynkavych ci handlovych płoščach, a taksama miascovych administracyjnych ustanovach.
Akramia taho, pavyšanaja imaviernaść napadaŭ terarystaŭ zachoŭvajecca ŭ haścinicach, kłubach, restaranach, kultavych zbudavańniach, parkach, adukacyjnych instytucyjach, aeraportach, a taksama na masavych mierapryjemstvach. U hetych i padobnych miescach u letnim siezonie mohuć źbiracca vialikija kolkaści ludziej, nahadvaje Dziarždepartament ZŠA.
-
Były hruzčyk ź biełaruskaj vioski akazaŭsia davieranaj asobaj kiraŭnika rasijskaha Śbierbanka Hiermana Hrefa
-
Zastaŭsia tolki miesiac, kab padać zajaŭku na try prestyžnyja prahramy navučańnia i prafiesijnaha raźvićcia ŭ ZŠA
-
ZŠA pačali novuju chvalu ŭdaraŭ pa Iranie paśla zajaŭ Trampa pra zaviaršeńnie pieramirja
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ9
Kamientary