«Krynica» paćvierdziła supracoŭnictva z kampanijaj «Majstar-Torh», jakoje pastaŭlaje tavary ŭ DNR i ŁNR
Najbujniejšy imparcior praduktaŭ charčavańnia ŭ samaabvieščanyja Danieckuju i Łuhanskuju narodnyja respubliki kampanija «Majstar-Torh» raźlivaje piva pad ułasnaj handlovaj markaj na minskim zavodzie «Krynica». Pra heta tut.by paviedamiŭ 1 maja.
«Piva «Juźbir» vypuskajecca pavodle DASTa na vytvorčych mahutnaściach ŭ Respublicy Biełaruś. Jakaść pradukcyi na ŭsich etapach kantralujecca dziaržavaj. U 2010 hodzie zavod byŭ całkam pieraasnaščany i na dadzieny momant vałodaje samym sučasnym pivavarnym abstalavańniem», havorycca na sajcie «Majstar-handal». Jak daviedaŭsia tut.by, havorka idzie pra minski piŭzavod «Krynica». Raźliŭ «Juźbira» byŭ naładžany ŭ lutym, vynikaje z anonsu ŭ sacsietkach.
Na sajcie «Majstar-Torhu» havorycca, što marka «Juźbir» atrymała svaju nazvu ŭ honar pivavaraŭ darevalucyjnaha Danbasa. U asnovie technałohii padrychtoŭki «Juźbir» lažyć kłasičnaja receptura taho samaha Juzaŭskaha piva.
Kampanija «Majstar-Torh» — najbujniejšy imparcior tavaraŭ masavaha spažyvańnia z Rasii i Biełarusi ŭ DNR i ŁNR.
Načalnik adździeła markietynha «Krynicy» Siarhiej Rašetnikaŭ paćvierdziŭ infarmacyju ab tym, što piva «Juźbir» raźlivajecca na minskim brovary «Krynica». Dla taho, kab vyśvietlić kudy mienavita adpraŭlajecca piva na ekspart, nas pieranakiravali va ŭpraŭleńnie źniešnieekanamičnaj dziejnaści. Atrymać adkaz ad ich tak i nie ŭdałosia.
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary