Finalny matč Lihi čempijonaŭ-2017 pamiž madrydskim «Reałam» i turynskim «Juventusam» skončyŭsia ŭpeŭnienaj pieramohaj ispancaŭ ź likam 4:1.
U «Reale» dvojčy adznačyŭsia Kryšcijanu Ranałdu, jašče pa adnym hole na rachunku Kazimira i Marka Asensia. Za «Juvientus» zabiŭ Marya Mandžukič. Jaho hoł staŭ adnym z samych pryhožych za hod, adnak pieramohi dla hetaha nie chapiła.
Smak pieramohi padpsavała chiba što niepryhožaja simulacyja kapitana «Reała» Sierchia Ramasa. Paśla lohkaha dotyku rukoj ad ekvadorca Kuadrada jon pavaliŭsia jak padstreleny. Hulec «Juvientusa» atrymaŭ čyrvonuju kartku…
Pieramoha «Reała» stała histaryčnaj — upieršyniu ŭ Lizie čempijonaŭ kamanda vyjhrała turnir dva hady zapar. Pryčym abiedźvie pieramohi atrymaŭ Zinedzin Zidan u jakaści treniera.
«Reał» vyjhraŭ i Lihu čempijonaŭ, i čempijanat Ispanii — najmacniejšy čempijanat u śviecie. Całkam imavierna, najlepšym hulcom pa vynikach hoda budzie pryznany mienavita Kryšcijanu Ranałdu, zorny napadajučy kamandy.
Darečy, Ranałdu zabiŭ užo ŭ trecim finale Lihi čempijonaŭ! Da jaho takoje nie ŭdavałasia nikomu.
Dziakujučy dvum trapnym strełam u finale partuhalec staŭ najlepšym snajpieram Lihi čempijonaŭ-2017 — piaty turnir zapar. Na jaho rachunku sioleta 12 hałoŭ, tady jak u Lijanela Mesi — 11.
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli7
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2424
Kamientary