Na Miadzielščynie znajšli fundamient doma, dzie naradziłasia pieršaja łedzi Polščy Maryja Kačynskaja
Padrabiaznaści Polskamu radyjo raspavioŭ dyrektar Polskaha instytutu ŭ Minsku Matevuš Adamski.
Pablizu biełaruskaha miastečka Narač polski dyplamat razam ź biełaruskimi kalehami znajšli miesca, dzie stajaŭ dom, u jakim naradziłasia pieršaja łedzi Polščy, śviatoj pamiaci Maryja Kačyńska. Siońnia spaŭniajecca 75-ja hadavina z dnia naradžeńnia žonki prezydenta Polščy Lecha Kačyńskaha.
Maryja Kačyńskaja naradziłasia ŭ vioscy Machava. Miesca, dzie stajaŭ dom, znajšoŭ dyrektar Polskaha instytutu ŭ Miensku Matevuš Adamski.
U hetym pytańni dapamoh biełaruski žurnalist, jaki pracuje zaraz u Polščy dla hazety «Rzeczpospolita», Rusłan Šošyn. Jon sam pachodzić ź Miadziela. I jon padkazaŭ, što na miescy jość ludzi, jakija mohuć dapamahčy znajści dom leśnika Mackieviča. «Dziakujučy Rusłanu Šošynu ja źviazaŭsia ź miascovymi krajaznaŭcami i ŭ vyniku niekalkich pajezdak my znajšli hetaje miesca ŭ lesie», - raspavioŭ Polskamu radyjo Matevuš Adamski.
«Domu niama. My šukali domu leśnika, pabudavanaha da Druhoj suśvietnaj vajny niepadalok ad darohi Kabylnik-Miadziel. Zaraz tam staić vetlačebnica. U peŭnym radyjusie ad hetaha miesca my zmahli znajści reštki taho, što zastałosia z domu Mackievičaŭ — sklep, padmurak i častkova schody ŭ hałoŭny ŭvachod da domu j bakavyja».
«Hetaje miesca zaraz davoli dzikaje, siarod lesu, tamu ja nia baču takoj mahčymaści, kab ustaloŭvać niejki pamiatny znak ci šyldu. My ŭpeŭnienyja, što lepš ustalavać pamiatnuju šyldu ŭ kaściole ŭ Kabylniku, siońnia heta Narač, dzie była achryščanaja Maryja Mackievič—Kačyńska. Heta hodnaje miesca, kab uviekaviečyć pamiać žonki prezydenta Lecha Kačyńskaha».
Vyznačyć, dzie znachodziŭsia dom leśnika Mackieviča ŭ Machavie, dapamahaŭ pradprymalnik Źmicier Vinahradaŭ, polskija kartohrafy j ksiondz z polskaha Sopatu.
Ciapier čytajuć
Sakratar Rady biaśpieki zaklikaŭ biełarusaŭ nie jeździć u Rasiju10
Kamientary