Sistema załpavaha ahniu ZRN-01 Stokrotka źjaŭlajecca vynikam supracoŭnictva HK «Ukroboronprom» z WB Group, jaki źjaŭlajecca adnym z najbujniejšych pryvatnych abjadnańniaŭ polskaha abaronna-pramysłovaha kompleksu. Hetaja raspracoŭka demanstrujecca va Ukrainie na vystavie «Zbroja i biaśpieka», piša sajt Ukrabaranprama.
ZRN-01 Stokrotka pryznačana dla vyjaŭleńnia i parazy naziemnych met, ad piachoty da abaronienych schovanak, a taksama dla źniščeńnia pavietranych celaŭ, u pieršuju čarhu — bieśpiłotnych latajučych aparataŭ. Dla hetaha sistema załpavaha ahniu abstalavana sučasnaj sistemaj vyjaŭleńnia celaŭ, jakaja ŭklučaje ŭkrainski radar, aptyčnyja pryłady i ličbavuju sistemu kiravańnia ahniom polskaj vytvorčaści.
Sistema vyjaŭleńnia celaŭ dazvalaje vyjaŭlać navat małyja bieśpiłotnyja aparaty, u tym liku z kampazitnych «prazrystych» materyjałaŭ, na adlehłaści 10 km. A za źniščeńnie adpaviadajuć ukrainskija niekiravanyja rakiety RS-80PO.
Taktyka-techničnyja charaktarystyki rakiety dazvalajuć źniščać celi na vyšyni da 4 km, što značna pieravyšaje maksimalnuju efiektyŭnuju vyšyniu palotu małych bieśpiłotnikaŭ. Akramia taho, mahčymaści sistemy dazvalajuć źniščać nalot «zhrai» dronaŭ, dziakujučy vysokaj chutkastrelnaści sistemy.
ZRN-01 Stokrotka zmantavanaja na šasi vialikaj prachodnaści STAR 265M2 ŭ 6 × 6, jakoje zabiaśpiečvaje mabilnaść sistemy. Pry hetym ZRN-01 Stokrotka možna pastavić na lubuju płatformu, ad inšych kołavych abo husieničnych šasi da karabloŭ.
Zaraz sistema rychtujecca da vyprabavańniaŭ.
Kamientary