26-hadovaja žycharka štata Akłachoma Miści Vielviet Spen, jakaja letaś uziała šlub sa svajoj bijałahičnaj maci, była na hetym tydni prysudžanaja da 10 hadoŭ turmy z adterminoŭkaj vykanańnia prysudu, paviedamlaje Tulsa World.
Jana paŭstała pierad sudom prysiažnych i całkam pryznała svaju vinu ŭ niezakonnym ustupleńni ŭ šlub z 44-hadovaj Patryšaj En Spen, jakaja była zapisana jak Patryša En Kłejtan u zajavie na atrymańnie šlubnaj licenzii, padadzienaj u sakaviku 2016 u hrafstvie Komanč.
26-hadovaja Miści Vielviet vyrasła z babulaj, bo jaje maci — 44-hadovaja Patryša Spen — była pazbaŭlenaja baćkoŭskich pravoŭ. U 2014 hodzie Miści zmahła znoŭ pabačyć maci, pamiž imi pačalisia adnosiny, a šlub svajaki vyrašyli zarehistravać u sakaviku 2016 hoda.
Maci svaju vinu ŭ sudzie pryznavać admoviłasia. Pa słovach žančyny, žanićbaj jany nie parušajuć zakonaŭ, bo paśla pazbaŭleńnia baćkoŭskich pravoŭ imia maci było prybrana z paśviedčańnia ab naradžeńni dački.
Bolš za toje, dla 44-hadovaj Patrysii padobnaja suviaź nie pieršaja. U 2008 hodzie žančyna vyjšła zamuž za rodnaha syna, adnak ich šlub byŭ skasavany pa jaho prośbie. Syn zajaviŭ, što hety sajuz niezakonny.
Incest u Akłachomie źjaŭlajecca kryminalnym złačynstvam i karajecca pazbaŭleńniem voli na termin da 10 hadoŭ.
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary