U Novaj Baravoj pabudujuć škołu budučyni: z vychadam na dach i amfiteatram u chole
Niestandartnuju i niezvyčajnuju škołu dla zvyčajnych dziaciej pabudujuć u Novaj Baravoj. U prajekcie, raspracavanym mižnarodnaj kamandaj architektaraŭ śpiecyjalna dla Novaj Baravoj, — prastorny atryum ŭ vyhladzie amfiteatra zamiest standartnaha viestybiula, zony cišyni i adpačynku dla školnikaŭ roznych uzrostaŭ, i navat vychady na ekspłuatavany dach! U joj budzie vučycca bolš za tysiaču dziaciej, a adkryjecca jana ŭ 2019 hodzie.
«Pry stvareńni prajekta my maksimalna aryjentavalisia na apošnija tendencyi ŭ adukacyi i ŭličvali patreby sučasnych školnikaŭ. Źmieny i ŭ navučalnym pracesie, i ŭ farmatach navučańnia za apošnija dziesiacihodździ adbylisia značnyja, i jany patrabujuć pryncypova novuju infrastrukturu ŭ tym liku i z punktu hledžańnia architektury», — tłumačyć kiraŭnik upraŭleńnia markietynhu «A-100 Deviełapmient» Kaciaryna Łapušynskaja.
Asnoŭnym koleram eksterjera škoły stanie bieły, ale fasad budzie vyhladać pa-roznamu ŭ rozny čas sutak z-za admysłovaha reljefnaha azdableńnia. Jana stvaraje cieni i hłybiniu ŭ zaležnaści ad umoŭ aśviatleńnia i punktu ahladu. Jašče na ŭzroŭni architekturnaha prajekta pradumali i transpartnaje złučeńnie — niepadalok ad uvachodu ŭ škołu budzie abstalavana haściavaja parkoŭka dla aŭtamabilaŭ baćkoŭ i prypynak hramadskaha transpartu. Niepasredna terytoryja navučalnaj ustanovy budzie całkam abharodžana. Uvohule ŭsio jak vy bačyli ŭ amierykanskich filmach pra najlepšyja škoły.
Pačatkovaja i siaredniaja škoły buduć znachodzicca ŭ roznych błokach budynka. Małyja i starejšyja chłopčyki i dziaŭčynki praktyčna nie buduć pierasiakacca. Ahulnymi ŭ ich buduć tolki spartyŭnaja i aktavaja zały, a taksama kafe-stałovaja. Darečy, aktavaja zała budzie «transformieram» i zmoža hnutka źmieńvajecca pad farmat mierapryjemstva, jakoje ŭ joj pravodzicca. Prosta na fasadach škoły raźmieściacca cytaty navukoŭcaŭ, myślaroŭ i biznesmienaŭ-vizijanieraŭ, jakija zaklikany natchniać vučniaŭ. Źjavicca i paŭnavartasny ŭnutrany dvoryk, dzie školniki zmohuć kamunikavać i pravodzić volny čas usie razam.
Mabyć, samaj śmiełaj i niezvyčajnaj asablivaściu škoły stanie ekspłuatavany dach. Dadzienaje rašeńnie ŭvasablajecca ŭpieršyniu ŭ Biełarusi. Vychady «na dach» płanujecca zrabić ź biblijateki i kampjutarnych kłasaŭ. «Školniki i tak zanadta šmat času pravodziać u zakrytych pamiaškańniach. Tamu my i vyrašyli vykarystoŭvać dach jak čytalnuju zału, a taksama dla taho, kab na paru chvilin adciahnucca ad manitora kampjutara i padychać śviežym pavietram», — tłumačać u kampanii «A-100 Deviełapmient».
Na pierapynku škoła zvyčajna hudzie, jak rastryvožany vulej. Tamu buduć stvorany admysłovyja «kutki cišyni» — dla taho, kab chłopčyki i dziaŭčynki mahli, naprykład, spakojna patelefanavać baćkam ci paŭtaryć chatniaje zadańnie.
Takim čynam, škołu płanujecca poŭnaściu adaptavać pad patreby školnikaŭ, stvaryŭšy dla ich kamfortny sučasny asiarodak dla vučoby. Naprykład, buduć stvorany — vy tolki ŭjavicie sabie! — śpiecyjalnyja zony adpačynku dla staršakłaśnikaŭ. My ŭ svaim dziacinstvie dumali, što dla hetaha dastatkova školnych kalidoraŭ…
Pamiatajecie, jak standartna vyhladaje viestybiul praktyčna luboj biełaruskaj škoły? «Budka» vachciora, raspranalni i trochi volnaj prastory. U novaj škole viestybiul stanie vialikim amfiteatram, dzie školniki mohuć hutaryć, hulać, paŭtarać ŭroki… Uvohule, zajmacca svaimi školnymi spravami ŭ zručnym dla siabie farmacie. Takoje my bačyli ŭ himnazii Orestad u Kapienhahienie, budynak jakoj byŭ pryznany «najlepšym budynkam Skandynavii».
Škoła stanie častkaj vialikaha kompleksu, jaki abjadnaje dźvie navučalnyja ŭstanovy (usiaho ŭ Novaj Baravoj budzie pabudavana 4 novyja škoły) i fizkulturna-azdaraŭlenčy kompleks. FAK zdaduć u ekspłuatacyi adnačasova ź pieršaj škołaj. Tam budzie abstalavany himnastyčnaja i trenažornaja zały, a taksama źjavicca paŭnavartasny 25-mietrovy basiejn. Usie try budynki buduć złučanyja vytančanymi šklanymi halerejami. Zrešty, karystacca pasłuhami FAK zmohuć nie tolki školniki, ale i darosłyja žychary Novaj Baravoj, ale ŭžo ŭ viačerni čas i za hrošy.
I samaje hałoŭnaje — stvaralniki chočuć pryŭnieści ŭ hetuju škołu duch svabody. Tamu ŭ afarmleńni škoły budzie šmat avijacyjnaj tematyki: na fasadach buduć vykananyja ilustracyi na temu historyi raźvićcia avijacyi i pavietrapłavańnia. «Bo tut byŭ raniej aeradrom. My chočam, kab historyja hetaha miesca i nazapašanaja pazityŭnaja enierhija palotaŭ zachavałasia», — raspaviadaje Kaciaryna Łapušynskaja.
«Škoła budučyni» ŭ Novaj Baravoj — adzin z samych (kali nie samy) niezvyčajnych i śmiełych prajektaŭ navučalnaj ustanovy ŭ našaj krainie. Dzieci — budučynia našaj krainy, i jany zasłuhoŭvajuć sučasnyja škoły jeŭrapiejskaha ŭzoru», — reziumuje Kaciaryna Łapušynskaja.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ6
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary