Sielekcyja ci vyčvarenstva: bielhijski sini byk
Tona jałavičyny na čatyroch nahach. Jak heta moža vyhladać? Adkaz na heta dali bielhijskija sielekcyjaniery šlacham vyviadzieńnia nienarmalna vialikaha pradstaŭnika Bos taurus taurus, to bok karovy chatniaj.
Jak i va ŭsich rekordnych dasiahnieńniaŭ, u hetaha taksama jość advarotny bok. Da darosłaha stanu dažyvaje daloka nie kožnaje ciala — praź niedaraźvićcio ŭnutranych orhanaŭ, ścisnutych ciahlicavaj masaju — i praz toje, što serca nie vytrymlivaje prapampoŭvańnia kryvi praz takoje vialikaje cieła.
Paroda źjaviłasia ŭ vyniku mutacyi ŭ hienie, jaki adkazvaje za kadavańnie białku mijastatynu. U zvyčajnych karoŭ jon adkazvaje za zatrymańnie rostu ciahlicaŭ. U bielhijskaha siniaha hety miechanizm adklučany — i tamu rost ciahlicavaj masy nie spyniajecca ažno da śmierci žyvioły.
Užo va ŭzroście cialaci ŭ hetaj parody zanadta vialiki jazyk, jaki nie daje im narmalna charčavacca matčynym małakom, i tamu ich davodzicca pieravodzić na štučnaje karmleńnie.
Abaroncy žyviołaŭ radykalna suprać dalejšaha kultyvavańnia hetaj parody, a voś fiermiery i ŭdzielniki sielskahaspadarčych vystaŭ — u zachapleńni ad jaje.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk41
Kamientary