Davydźka paśla adstaŭki: Ci mnie soramna? Hanarusia, što zmahaŭsia za stabilnaść

Staršynia Biełteleradyjokampanii Hienadź Davydźka straciŭ pasadu paśla amal jak 8 hadoŭ pracy. Jon zastaniecca kiraŭnikom «Biełaj Rusi», a taksama, mahčyma, atrymaje miesca ŭ Saviecie Respubliki.

Davydźka prakamientavaŭ «Našaj Nivie» takoje kadravaje rašeńnie Alaksandra Łukašenki. 

Pavialičyć

Hienadź Davydźka: Toje, što ja byŭ i staršynioj Biełteleradyjokampanii, i kiraŭnikom «Biełaj Rusi», nie supiarečyła statutam arhanizacyj, ja moh heta spałučać. Nu ale i nie vyklučaŭ varyjant, što z BT daviadziecca syści — badaj što jon spraviadlivy.

«Naša Niva»: Čym vy hanaryciesia i za što adčuvajecie soram?

Hienadź Davydźka: Ja hanarusia tym, što ciaham 7 hadoŭ štodzionna rabiŭ u kampanii. Paraŭnajcie kampaniju ŭzoru 2010 hoda: jaje aŭtarytet, kolkaść kanałaŭ, jakaść, techničnaje abstalavańnie… I što stała ciapier, prytym što zamiest 3000 rabotnikaŭ pracuje mienš za 2000! Jak uzros aŭtarytet kanała!

A što da soramu, to vy, napeŭna, majecie na ŭvazie niejkija našyja žurnalisckija rasśledavańni? I filmy? Za jakija mnie nie toje što nie soramna, ja hanarusia tym, što my zmahalisia jak mahli za stabilnaść, za panavańnie našaha punktu hledžańnia! Moža, i byli niejkija pamyłki, ale jany byli na karyść dziaržaŭnaści.

«NN»: A što nie paśpieli zrabić?

Hienadź Davydźka: Nie paśpieŭ uzmacnić prysutnaść kampanii ŭ internecie. I ja źbiraŭsia zdymać kino: vielmi brakuje biełaruskaha kino. Sieryjalnaha, histaryčnaha, sučasnaha… Ja liču, što asnoŭnaja ideałohija — i amierykanskaja, i rasijskaja, i ŭkrainskaja taksama — prachodzić praz mastackija stužki, praź sieryjały, kulturu. U nas ža adsutničaje hetaja vytvorčaść, na žal, chacia heta asnoŭny ideałahičny i vychavaŭčy momant. Kab padsiłkoŭvać hramadstva, možna ŭvasobić nacyjanalnuju ideju ŭ mastackim materyjale. I heta ja nie paśpieŭ, bo hrošaj viečna brakavała — na toje treba, na toje… A voś na mastackuju častku nie chapała.

Ja źbiraŭsia pačynać vytvorčaść sieryjałaŭ. Siońniašnija kanały, na žal, tranślujuć rasijskaje, ukrainskaje kino, a svajho niama. Spadziajusia, heta budzie pry novym kiraŭniku — jon, vierahodna, uzmocnić navinavy i analityčny składnik. 

«NN»: Ci źnikniecie vy z efiru paśla adstaŭki?

Hienadź Davydźka: Vam ža sumna stanie, kali «Kłuba redaktaraŭ» nie budzie! (Śmiajecca.) Jon budzie abaviazkova, heta patrebny prajekt. Nu i ŭsio, na hetym abmiažujusia.

Ale nichto ž nie zabaraniaje «Biełaj Rusi» stvaryć ułasny infarmacyjny resurs. Ja dumaju, my pakrysie-pakrysie budziem ruchacca ŭ kirunku stvareńnia niejkaha svajho internet-resursu. Jak jon budzie vyhladać, kolki ludziej buduć pracavać, jaki kantent — hetaha pakul nie viedaju, ale treba ŭzmacniać mienavita hetuju terytoryju. Moj dośvied kiraŭnika ŚMI vielmi prydasca da miesca na hetaj pasadzie.

Čytajcie taksama: Kniaź Vitaŭt z Kałymy: historyja pośpiechu (ci padzieńnia) Hienadzia Davydźki

***

Na telehram-kanał «Našaj Nivy» možna padpisacca tut.

• 0
• 0
• 0
• 0
• 1
• 0
• 0
• 0